________________
• પ્રભુનો અલંકાર-ત્યાગ ૧ નગરના ઘરો અને શેરીઓને ઓળંગતો ઓળંગતો પ્રભુનો વરઘોડો નગરની બહારના ઉદ્યાનમાં વૃક્ષ પાસે આવે છે. વૃક્ષની નીચે શિબિકા ઉતારાય છે. પ્રભુ શિબિકામાંથી ઊતરે છે. પ્રભુ શરીર પરથી અલંકારો ઉતારે છે. પ્રભુ આંગળીઓમાંથી વીંટીઓ ઉતારે છે, હાથમાંથી વીરવલય ઉતારે છે, ભુજામાંથી બાજુબંધ ઉતારે છે, ગળામાંથી હાર ઉતારે છે, કાનમાંથી કુંડલ ઉતારે છે, માથા પરથી મુગટ ઉતારે છે. આ બધા અલંકારો ઉતારીને પ્રભુ કુલમહત્તરાને આપે છે. કુલમહત્તરા હંસના ચિત્રવાળા વસ્ત્રમાં તે અલંકારોને ગ્રહણ કરે છે.
• પ્રભુને કુલમહત્તરાના છેલ્લા આશીર્વાદ છે કુલમહત્તરા પ્રભુને છેલ્લા આશીર્વાદ આપે છે, “હે પુત્ર ! તું ઉત્તમકુળમાં જન્મ્યો છે. તારી કીર્તિ ચારે તરફ ફેલાયેલી છે. તું જે માર્ગ પર જવા નીકળ્યો છે તે માર્ગે શીધ્ર આગળ વધજે. તું પાછું વાળીને જોઈશ નહીં. તું મોટા આલંબનો લેજે. તું પડતાં આલંબનો ન લઈશ. તલવારની ધાર પર ચાલવા જેવા દુષ્કર વ્રતોનું તું અણિશુદ્ધ પાલન કરજે. તું જરાય પ્રમાદ કરીશ નહીં.” આ પ્રમાણે પ્રભુને આશીર્વાદ આપીને નમસ્કાર કરીને કુલમહત્તરા એકબાજુ થઈ જાય છે.
• પ્રભુનો લોચ કર ત્યારપછી પ્રભુ પંચમુષ્ટિ લોચ કરે છે. પ્રભુ એક મુઠ્ઠીથી દાઢીમૂછના વાળનો લોચ કરે છે અને ચાર મુઠીથી માથાના વાળનો લોચ કરે છે. સૌધર્મેન્દ્ર પ્રભુના વાળ ગ્રહણ કરે છે. તે વાળને તે ક્ષીરસમુદ્રમાં પધરાવીને પાછા આવે છે. વાળનો લોચ કરીને પ્રભુ દ્રવ્યથી મુંડ થાય છે અને ક્રોધ વગેરે કષાયોને દૂર કરીને પ્રભુ ભાવથી મુંડ થાય છે.
• પ્રભુની દીક્ષા , ઈન્દ્ર મહારાજા પ્રભુના ખભા પર લાખ સોનૈયાના મૂલ્યવાળું અને અનુત્તર એવું એક દેવદૂષ્ય મૂકે છે. પછી ઈન્દ્ર મહારાજા વાજિંત્ર વગેરેના બધા કોલાહલને શાંત કરે છે.
...૩૧...
