Page Text
________________
પ્રભુ શિબિકામાં પૂર્વાભિમુખ બેસે છે. પ્રભુની જમણી બાજુ કુલમહત્તરા હંસના ચિત્રવાળું વસ્ત્ર લઈને બેસે છે. પ્રભુની ડાબી બાજુ પ્રભુની ધાવમાતા દીક્ષાના ઉપકરણો લઈને બેસે છે. પ્રભુની પાછળ શૃંગાર કરેલ એક યુવતી હાથમાં સફેદ છત્ર લઈને બેસે છે. ઈશાનખૂણામાં એક યુવતી હાથમાં પૂર્ણકળશ લઈને બેસે છે. અગ્નિખૂણામાં એક યુવતી હાથમાં મણિના પંખા લઈને બેસે છે. સ્વજનોના આદેશથી સરખી ઊંચાઈવાળા હજાર પુરુષો તે શિબિકાને ઉપાડે છે. ત્યારે સૌધર્મેન્દ્ર આવીને દક્ષિણ તરફની ઉપરની બાહાને ઊંચકે છે, ઈશાનેન્દ્ર ઉત્તર તરફથી ઉપરની બાહાને ઊંચકે છે, ચમરેન્દ્ર દક્ષિણ તરફની નીચેની બાહાને ઊંચકે છે, બલીન્દ્ર ઉત્તર તરફની નીચેની બાહાને ઊંચકે છે. બાકીના ઈન્દ્રો અને દેવો યથાયોગ્ય રીતે શિબિકાને ઉપાડે છે. બધા ઈન્દ્રો સુંદર અલંકારોથી વિભૂષિત હોય છે. તેઓ પાંચ રંગના પુષ્પોની વૃષ્ટિ કરે છે. તેઓ દુંદુભિ વગાડે છે. ત્યારપછી સૌધર્મેન્દ્ર અને ઈશાનેન્દ્ર બાહા છોડીને પ્રભુની આજુ-બાજુ ઊભા રહીને ચામર વીંઝે છે. સનસ્કુમારેન્દ્ર છત્ર ધારણ કરે છે. માટેન્ટેન્દ્ર ઉત્તમ તલવારને ધારણ કરે છે. બ્રહ્મલોકેન્દ્ર દર્પણ ધારણ કરે છે. લાંતકેન્દ્ર પૂર્ણકળશ ધારણ કરે છે. મહાશુકેન્દ્ર સ્વસ્તિક ધારણ કરે છે. સહસ્ત્રારેન્દ્ર ધનુષ્ય ધારણ કરે છે. આનત-પ્રાણતેન્દ્ર શ્રીવત્સ ધારણ કરે છે. આરણ-અય્યતેન્દ્ર નન્દાવર્ત ધારણ કરે છે. અમરેન્દ્ર વગેરે બાકીના ઈન્દ્રો શસ્ત્રો ધારણ કરે છે. તે વખતે આકાશમાં અને પૃથ્વી પર વિવિધ પ્રકારના વાજિંત્રો વાગે છે.
પ્રભુનો દીક્ષાનો વરઘોડો - પ્રભુનો દીક્ષાનો વરઘોડો નગરીમાંથી નીકળીને નગરીની બહારના ઉદ્યાન તરફ જાય છે. તે વરઘોડામાં પ્રભુની આગળ નીચે પ્રમાણેની રચનાઓ અને લોકો જાય છે દ્ર (૧) આઠ મંગળો -
(૧) સ્વસ્તિક (૨) શ્રીવત્સ (૩) નન્દાવર્ત (૪) વર્ધમાનક (૫) ભદ્રાસન (૬) કળશ (૭) મત્સ્યયુગલ (૮) દર્પણ
..૨૮....
| SR No. | 032489 |
| Book Title | Kalyanak Mahima |
| Original Sutra Author | N/A |
| Author | Ratnabodhivijay |
| Publisher | Ramjibhai Veljibhai Gala |
| Publication Year | 2018 |
| Total Pages | 82 |
| Language | Gujarati |
| Classification | Book_Gujarati |
| File Size | 6 MB |