________________
(૧) મેથંકરા
(૨) મેઘવતી (૩) સુમેઘા
(૪) મેઘમાલિની (૫) તોયધારા (મતાંતરે સુવત્સા) (૬) વિચિત્રા (મતાંતરે વત્સમિત્રા) (૭) વારિણા
(૮) બલાહિકા (મતાંતરે બલાહકા) આ આઠ દિકકુમારિકાઓ મેરુપર્વતના નંદનવનમાં આવેલા આઠ શિખરો (કૂટો) ઉપર રહે છે. તેથી તેમને ઊર્ધ્વલોકમાં રહેનારી આઠ દિકકુમારિકાઓ કહેવાય છે.
આ આઠ દિકુમારિકાઓ આવીને તે જ રીતે માતાજીને અને પુત્રને નમન કરે છે અને સ્વાગમનનું પ્રયોજન જણાવે છે. પછી તેઓ હર્ષથી એક યોજન સુધીની ભૂમિ પર સુગંધી પાણીની વૃષ્ટિ કરે છે. તેથી ચારે તરફ ધૂળ ઊડતી બંધ થઈ જાય છે. પછી તેઓ ઘૂંટણ સુધીની પાંચ રંગના પુષ્પોની વૃષ્ટિ કરે છે. પછી તેઓ પ્રભુના ગુણો ગાતી બેસે છે.
ત્યારપછી પૂર્વદિશાના રુચકપર્વત પરથી આ આઠ દિકકુમારિકાઓ આવે છે - (૧) નન્દા
(ર) ઉત્તરનન્દા (૩) આનન્દા
(૪) નન્દિવર્ધના (૫) વિજય
(૬) વૈજયન્તી (૭) જયન્તી
(૮) અપરાજિતા તિથ્યલોકમાં અસંખ્ય દ્વીપો-સમુદ્રો છે. તેમાં તેરમો રુચકદ્વીપ છે. તેની મધ્યમાં તેના અત્યંતરરુચકદ્વીપ અને બાહ્યરુચકદ્વીપ એમ બે વિભાગ કરતો ગોળાકાર રુચકપર્વત છે. રુચકપર્વત પર ચારે દિશામાં ૮-૮ કૂટો (શિખરો) આવેલા છે. દરેક દિશામાં વચ્ચે ૧-૧ સિદ્ધાયતન (શાશ્વત ચૈત્ય) છે. દરેક દિશામાં સિદ્ધાયતનની બન્ને બાજુ ૪-૪ શિખરો આવેલા છે. આ આઠ શિખરો પર દિકકુમારિકાઓ રહે છે. નન્દા વગેરે આઠ દિકુમારિકાઓ સુચકપર્વત પરના પૂર્વ દિશાના આઠ શિખરો ઉપર રહે છે.
...૧૩...
