________________
આજીવન આયંબિલના ભીષ્મ તપસ્વી, ગિરનાર મહાતીર્થના પુનરુત્થાન માટે કલ્પનાતીત ભોગ આપનાર, ગિરનાર મહાતીર્થની કાયાપલટ કરનાર પરમપૂજ્ય આચાર્યદેવ શ્રીમદ્વિજય હેમવલ્લભસૂરીશ્વરજી મહારાજની ભાવના હતી કે તીર્થંકરપ્રભુના કલ્યાણકોનું માહાભ્ય સમજાવતું એક પુસ્તક છપાય. તે માટે તેમણે વિવિધ મહાત્માઓને ‘કલ્યાણક’ વિષે લેખ લખીને મોકલવા જણાવ્યું. મારી ઉપર પણ તેમનો પત્ર આવેલ. કલ્યાણકોના મહિમા અંગેનો એક વિસ્તૃત લેખ લખીને મેં તેમને મોકલેલ. પછી મને ભાવના થઈ કે, “તે પુસ્તકમાં તો તે લેખ છપાશે જ, પણ લેખ ખૂબ સુંદર અને વિસ્તૃત લખાયો હોવાથી જો સ્વતંત્ર પુસ્તકરૂપે પ્રકાશિત થાય તો વાચકોને અને વક્તાઓને ખૂબ ઉપયોગી થશે.” મારી ભાવનાનુસાર પ્રસ્તુત પુસ્તકમાં તે લેખ જ પ્રકાશિત થયેલ છે, જેનું નામ “કલ્યાણકમહિમા' રાખેલ છે.
સ્વાભાવિક રીતે પણ પ્રભુના કલ્યાણક જગતમાં સુખ અને પ્રકાશ ફેલાવતાં હોય તો તે કલ્યાણકોની આરાધનાથી તો કેટલો બધો લાભ થાય !!!
આ પુસ્તકના વાંચન દ્વારા આપણે કલ્યાણકોના મહિમાને જાણીને કલ્યાણકોની આરાધના માટે તત્પર બનીએ અને સ્વ-પરના આત્માનું કલ્યાણ કરીએ એ જ એક કલ્યાણકારી કામના.
ભવસાગરમાં ડૂબતાં જીવોને તારવા જહાજ સમાન તીર્થંકરપ્રભુ અને પરહિતવત્સલ પરમપૂજ્ય ગુરુદેવશ્રી આચાર્યદેવ શ્રીમદ્વિજય હેમચન્દ્રસૂરીશ્વરજી મહારાજની કૃપાવૃષ્ટિથી જ આ પુસ્તક લખાયું છે. તે પૂજ્યોના ચરણસરોજમાં અનંતશઃ વંદના.
આ પુસ્તકમાં જિનાજ્ઞાવિરુદ્ધ કંઈ પણ લખાયું હોય તો તેનું “મિચ્છામિદુક્કડું” આપું અને બહુશ્રુત વિદ્વાનોને તેના શુદ્ધિકરણ માટે વિનંતિ કરું છું.
પરમપૂજ્ય વૈરાગ્યદેશનાદક્ષ આચાદવ શ્રીમદ્વિજય હેમચન્દ્રસૂરીશ્વરજી મહારાજનો
ચરણકિંકર મુનિ રત્નબોધિવિજય
મહા સુદ ૫ (૨પમી દીક્ષાતિથિ), વિ.સં.૨૦૭૪, પંકજ સોસાયટી, અમદાવાદ.
