Saral Sanskrit Aadi Rachnao

SR No.: 032467
Original Sutra Author: N/A
Author: Mahodaysagarsuri
Publisher: K V O Jain Sangh
Total Pages: 108
Language: Gujarati
Classification: Book_Gujarati
File Size: 11 MB

Page 38

“મારામ હામ હૈ' એ જાણે કે તેઓશ્રીનો જીવનમંત્ર હોય તેમ ૨૪ કલાકમાં માંડ ત્રણેક કલાક જ શરીરને વિશ્રાંતિ આપીને બાકીના ૨૧ કલાક પૂજ્યશ્રી સતત અપ્રમત્તપણે નવકાર તથા સૂરિમંત્રનો જાપ, રોજ પંચ પરમેષ્ઠી ભગવંતોને ૧૦૮ ખમાસમણ વિગેરે આત્મસાધનાની સાથે સાથે શાસન-સંઘ-ગચ્છ અને સમાજની ઉન્નતિ માટે અનેકવિધ શુભ પ્રેરણાઓ આપવામાં તથા સંસ્કૃત તેમજ ગુજરાતી ભાષામાં લગભગ લાખ જેટલા શ્લોક-પ્રમાણ સાહિત્યનું સર્જન કરવામાં પૂજ્યશ્રી વ્યસ્ત રહેતા.
માન કે અપમાનની પરવા કર્યા વિના, શરૂ કરેલા શુભ કાર્યને સફળતાપૂર્વક પાર પમાડનારા પૂજ્યશ્રી ખરેખર અત્યંત ‘દૃઢ મનોબલી’ ‘સંક્લ્પસિદ્ધ” મહાપુરુષ હતા.
“આદર મળો કે ના મળો તેની કશી પરવા નથી, ત્યમ ફળ મળો કે ના મળો, તે જાણવા ઇચ્છા નથી, કર્તવ્ય કરવા જન્મ આ, દિન રાત તેમાં રત રહી
ઋણ-મુક્ત વિશ્વ થકી થવા, કર્તવ્ય કરવું છે અહીં.’
કવિ ઉમાશંકરના ઉપરોક્ત શબ્દોને પોતાના જીવનમાં જીવી બતાવનાર પૂજ્યશ્રીએ નિઃસ્વાર્થ ભાવે અનેક જિનાલયો, તીર્થો, ઉપાશ્રયો, આદિના નિર્માણ-જીર્ણોદ્ધાર માટે પ્રેરણા કરી, અધિવેશનો, ‘છ’રી પાળતા ઐતિહાસિક સંઘો, દીક્ષાઓ-પ્રતિષ્ઠાઓ-અંજનશલાકા-ઉજમણા આદિ ધર્મમહોત્સવોમાં પાવન નિશ્રા આપીને લગભગ ૧૫૦ જેટલા સાધુ સાધ્વીજીઓને સ્વહસ્તે દીક્ષા આપીને ગદ્ય-પદ્યમય વિશાળ નૂતન સાહિત્યનું સર્જન કરીને, શાસન-સંઘગચ્છ તથા સમાજ ઉપર જે અગણિત ઉપકારોની હેલી વરસાવી છે તે માટે તો પૂજ્યશ્રીને પ્રસંગે પ્રસંગે સંઘો મહાજનો, ભક્તો, રાષ્ટ્રપતિ, રાજ્યપાલ વિગેરે દ્વારા અપાયેલા શાસન સમ્રાટ,ભારત દિવાકર, તીર્થ પ્રભાવક, યુગપ્રભાવક, તપોનિધિ, ચમત્કારીક બાબા, રાષ્ટ્રસંત કલિકાલ કલ્પતરૂ, શીઘ્ર કવિ, અચલગચ્છ દિવાકર આદિ બિરૂદો તથા વિશેપણો પણ જાણે કે અધૂરા – વામણા હોય તેમ લાગ્યા વિના રહેતું નથી.
હવે હું પૂજ્યશ્રીના અગણિત ગુણ-રત્નોમાંથી સમયની મર્યાદા હોવાથી થોડાક ગુણરત્નોનો પરિચય કરાવવા પ્રયત્ન કરીશ. અપૂર્વ સાદગી : "Simple living & High Thinking" (સાદું જીવન ઉચ્ચ વિચાર) આ ઉક્તિને પોતાના જીવનમાં ચરિતાર્થ કરનારા પૂજ્યશ્રી
28
969