________________
290 90 9
આગળ વધારવાનું પસંદ કર્યું હતું.
શ્રમણીઓના જ્ઞાન-ધ્યાન-અભ્યાસમાં વૃદ્ધિ થાય, તે માટે તેઓ અપાર ખેવના ધરાવતા. પોતાના વૃદ્ધ સાઘ્વી માતાના આંખોના તેજ ચાલ્યા ગયા હતા, પરંતુ વૃદ્ધ માતાને સમાધિ રહે એ માટે એ પોતે અથવા પોતાના અંતેવાસી મુનિ રમણીકવિજયજીને નંદીસૂત્રઆદિની ગાથાઓનો સ્વાધ્યાય સંભળાવવા મોકલતા. તેઓ મુનિઆચારનું પણ શક્ય એટલી શુદ્ધિપૂર્વક પાલન કરતા.
તેઓની દીક્ષાના ૬૦ વર્ષ થયા. પૂર્ણાહુતિનો વડોદરા મહોત્સવ બાદ મુંબઈ પધાર્યા. મુંબઈમાં વાલકેશ્વર ૫૨ ચાતુર્માસ નિશ્ચિત થયું હતું. પરંતુ તે પૂર્વે જ જેઠ વદ આઠમ, ૨૦૨૬ના દિવસે રોગોની પીડા ઘેરી વળી, અને મુનિશ્રીએ બયાની હૉસ્પિટલમાં આ નશ્વર દેહ છોડી પરલોકની યાત્રાએ પ્રયાણ કર્યું.
જીવનમાં જ્ઞાનની અપૂર્વ ઊંચાઈ સાથે જ વિનય, નમ્રતા અને પરોપકારી વૃત્તિ જેવા ગુણોનો સુમેળ સાધ્યો હતો. આમ વિદ્વત્તા અને સૌમ્ય વ્યક્તિત્વના અજોડ સુમેળવાળા પુણ્યવિજયજીનું વ્યક્તિત્વ આપણા સૌ માટે પ્રેરણાદાયી બની રહે એવું છે.
ખાસ નોંધઃ આચાર્યશ્રી પદ્મસાગરસૂરિની પ્રેરણાથી કોબાનો શ્રી કૈલાસસાગર સૂરિ જ્ઞાનભંડાર (જે ત્રણલાખથી વધુ હસ્તપ્રત ધરાવે છે) તેનું આયોજન થયું છે. આ પદ્મસાગરસૂરિશ્વરજી મ. પણ યુવાવસ્થામાં પુણ્યવિજયજીના સંપર્કમાં આવ્યા હતા, તેના પરિણામે જ આ વિરાટ જ્ઞાનભંડાર સર્જાયો છે.
શ્રુતજ્ઞાનનાં અજવાળા
KAL
૩૭
