Page Text
________________
दृष्टांत : १४५-१४८
फोजवाळा केयक तौ गया अनै केयक गया नहीं। गाम रा लोक बारे न्हास गया था सो केयक पाछा आया। चुगल धन धान बतायां री बात सुण नै लोकां ओळूभौ दीधौ, अरे ! इसा काम करै। जब ऊ चुगल फौजवाळां नै सुणायनै बोल्यौ-हूं बतावतौ तौ अमकड़ीया नौ खोड़ो उठे गड्यौ ते बता देवतौ, फलांणा रौ खोडौ उठ ग्डयौ ते बता देवतौ। उणरो धन फलांणी जागां गड्यौ ते पिण बता देवतौ । इम कुबद करने बाकी रह्या ते पिण बताय दीधा । तिम निंदक कुबदी हुवै ते निंद्या करतौ कूड़ बोलने अळगो रहै ।
१४५. जद तो म्हे हा ही नहीं केयक स्वामीजी नै कहिवा लागा-इसी सरधा तौ कठे इ सुणी नहीं। थे दान दया उठाय दीधी। जद स्वामीजी बोल्या-पज्जुषणां मै कोई न आखा घालै नहीं, आटौ घालै नहीं। पज्जुषण धर्म रा दिनां मै ओ धर्म जाणे तौ औ दान देणौ बंद क्यूं कीयौ । आ बात नौ घणां काळ आगली है, जद तो म्हे हा ही नहीं फेर आ थाप किण कीधी।
१४६. थे बेराजो क्यूं ? केयक बोल्या-भीखणजी ! थारां श्रावक कोई नै दान देव नहीं। इसी श्रद्धा थांरी है।
जद स्वामीजी बोल्या-किणही शहर में च्यार बजाज री हाटां हुती। तिण मै तीन तौ विवाह गया । पाछै कपड़ादिक नां ग्राहक घणां आया । हिव एक बजाज रह्यौ ते राजी हुवै के बैराजी।
___ जद ते बोल्या-राजी हुवै । जद स्वामीजी बोल्या-थे कही भीखणजी रा श्रावक दान नहीं देवै तौ जे लेवाळ ते सर्व थारेईज आसी । औ थे कहो ते धर्म थारैईज हुवे, थे बेराजी क्यं थया । थे निंद्या क्यूं करौ । इम कहि कष्ट कीधौ । पाछौ जाब देवा समर्थ नहीं।
१४८. संलेखणा करणी पड़सी स्वामीजी नवी दिख्या लीधां पछै केतलै एक वर्से तीन जणीयां दिख्या लेवा त्यारी थइ । जद स्वामीजी बोल्या-थे तीन जणीयां साथै दिख्या लेवी अनै कदाचित एकण रौ वियोग पड़ जावै तौ दोयां नै कल्प नहीं सो पर्छ संलेखणां करणी पड़सी । थारो मन हुवै तौ दिख्या लीज्यो। इम आर कराय तीन जणीयां ने साथै दिख्या दीधी। पछै मोकळी आर्या थई पिण स्वामीजी री नीत ठेट सूं इ इसी तीखी हुंती।
| SR No. | 032435 |
| Book Title | Bhikkhu Drushtant |
| Original Sutra Author | N/A |
| Author | Jayacharya, Madhukarmuni |
| Publisher | Jain Vishva harati |
| Publication Year | 1994 |
| Total Pages | 354 |
| Language | Hindi |
| Classification | Book_Devnagari |
| File Size | 21 MB |