Page Text
________________
भदृष्टांत
૪
चरचा छोड़ने लोकां सूं लगावणी बातां करें - ए जीव बचाया पाप कहै, दान दया उठाय दीधी, भगवांन नै चूका कहै । इम लोकां नै लगावै पिण न्याय रा अर्थी नहीं ।
१३४. भगवान रौ मारग पातसाई रस्तौ
कुमार्ग सुमार्ग ऊपर स्वामीजी दृष्टंत दीयौ । भगवान री मारग अनै पाखंडीयां री मारग किम ओलखीयै । भगवान रौ मारग तौ पातसाई रस्ता जेहवौ सो कठैइ अटकै नहीं । अनै पाखंडीयां रौ मारग ढांढां री डांडी समान । थोड़ी डांडी दीसे आगे उजाड़ । ज्यूं थोड़ौ सो दांन शीलादिक बताने पर्छ हिंसा में धर्म बतावै ।
१३५. वर्तमान मै हुवे तिको
इज खरौ
केई पाखंडी इम कहै - भीखणजी री इसी श्रद्धा, बकरी बचाया पर्छ ऊ कूंपळां खावे काची पाणी पीवै अनेक आरंभ करें तिण रौ पाप पाछै सूं आवै ।
जद स्वामीजी बोल्या - म्हारै तौ आ सरधा - असंयती नें बचायां ऊ अनेक आरंभ करसी तिणरी अनुमोदनां रौ पाप उण वेला इज भगवान देख्यौ जितरौ लाग चूको, अने थे तपसा रौ धारणो कोई नै करावी 'आगमीया काळ नीं तपस्या नै धर्म मोनें हुसी' इम जाणने | जद थांरे लेख असंयती नें चाय आरंभ करसी ते आगमीया काळ नौ पाप पिण थांनें लागसी थांरी श्रद्धा रै लेखे । कारण धर्म आगमीया काळ नौ पाछा सूं आवै तौ पाप पिण लागसी अन भगवंते तो कह्यौ - असंजती नै बच्चायां जितरौ पाप ज्ञानी पुरुषां देख्यौ तितरौ ऊण वेला इज लाग चूकौ ।
१३६. पाप उणा नैं लागसी
fare पूछो - कोई नै सूंस करावी ते सूंस परहा भांगे तो थांनें पाप लागे ।
जद स्वामीजी बोल्या - किणहि साहूकार सो रुपीयां रौ कपड़ो बेच्यो । नफो मोकळी थयौ । लेणवाळ एक-एक रा दो-दो कीधा तौ उणरौ नफौ उण साहूकार रै न आवै । तथा ऊ कपड़ौ लेण वाळौ आगे जायने सर्व कपड़ो बाळ देव तो तोटौ उणरा घर में पड़े पिण साहूकार रै घर मै नहीं । ज्यूं म्हे सूंस दिराया तिणरौ नफो म्हांनै ह्व चूकौ आगलौ सूंस चोखा पाळसी तौ ant उनै । अन भांगसी तौ पाप उणनै लागसी पिण म्हांने न लागे ।
1
| SR No. | 032435 |
| Book Title | Bhikkhu Drushtant |
| Original Sutra Author | N/A |
| Author | Jayacharya, Madhukarmuni |
| Publisher | Jain Vishva harati |
| Publication Year | 1994 |
| Total Pages | 354 |
| Language | Hindi |
| Classification | Book_Devnagari |
| File Size | 21 MB |