________________
भिक्षु दृष्टांत ने पुण्य मिश्र दरसावै । तिण ऊपर स्वामीजी दृष्टांत दीयो।
किण ही स्त्री कह्यौ--या लोटी म्हारै हाटे दीजो। समझं मन मैं जाण पोता रा धणी नै दीराइ छ । ___ज्यू सावद्य दान मैं पूछयां कहै --म्हारै मन है। रहस्य मैं पुण्य मिश्र दरसावै । समझू जाणे यारै पुण्य-मिश्र री श्रद्धा छ ।
६२. पाप क्या नै ह पुन्य री श्रद्धा वाळा मिश्र री श्रद्धा वाळा चौड़े तो पुन्य मिश्र न परूप पिण मन मैं पुन्य मिश्र सरध । ते श्रद्धा ओलखायवा स्वामीजी दृष्टांत दीयौ।
किण ही स्त्री नै कहै--थारे धणी रौ नाम पेमौ है ? जब ते कहै-क्यां ने ह पेमौ। नाथू है ? क्यां नै ह्र नाथू ।
पाथू है ? क्यां नै ह पाथू ? धणी रो नाम आयां अणबोली रहै। जद समझणौ जांण इण रै धणी रौ नाम ओ हीज है।
ज्यू सावद्य दान मैं पाप है इम पूछयां कहै-क्यां नै है पाप। मिश्र है ? क्यों ने ह मिश्र । पुण्य है ? जब न रहै । जब समझू जाणे यांरै पुण्य री श्रद्धा है।
६३. घर किणरौ भेषधारीयां न कहै–थानक थारै अर्थे कीधौ, जद कहै-म्है कद कह्यौ, थानक म्हारै वासते कीजो । तिण ऊपर स्वामीजी दृष्टांत दीयौ-ज्यू डावड़ो कद कहै-म्हारी सगाइ कीजौ, पिण सगाइ कियां परणीजे कुण? डावड़ो। बहु किण री बाजै ? डावड़ा री । घर किण रौ मंडै ? डावड़ा रो ईज । तिम थानक पिण त्यांरी इज बाजै । ते हीज माहै रहै ते हीज राजी ह।
६४. म्है कद कह्यौ तथा जमाई कदै कहै-म्हारै वासतै सीरौ करौ ? पिण जीमैं परहो, जद दूजी बार फेर करै । सीरा नां सूंस कहै तो क्यांनै करै। ज्यू में कहैम्है कद कह्यौ थानक म्हारै वासते करौ। पिण त्यां रै वासते कीधां माहै रहै परहा । जद दूजी बार फेर करै । थानक में रहिवा रा त्याग करै तौ क्यां ने करावे ?
६५. मारणा इ छोड़ो भेषधारी कहै-म्है जीव बचावां भीषणजी जीव बचावै नहीं।
