Page Text
________________
दृष्टांत : २०१-२०२
७९
जद स्वामीजी बोल्या - पांणी छ काया माहै छ के बारे ? जद बोल्यो - है - है है लिखजो मती - लिखजो मती । इम कहि कष्ट होयने चालतो रह्यौ ।
२०१. थे पूछ्यौ सो प्रश्न संभाळौ
भीलौड़े स्वामीजी विराज्या तिहां भेषधाऱ्यां रौ श्रावक आय प्रश्न पूछ्यौ - भीखणजी ! किणहि श्रावक सर्व पाप रा त्याग किया तिणनें आहार पण बहियां कांई हुवै ?
जद स्वामीजी बोल्या - धर्म हुवै ।
जद उण कह्यौ - थांरे तौ श्रावक नै दीयां पाप री श्रद्धा है, थे धर्म क्यूं कौ
जद स्वामीजी बोल्या - थे पूछ्यौ सो प्रश्न संभाळी । श्रावक सर्व पाप रा त्याग किया, जद ते श्रावक रौ साध ईज थयौ । ते साध नै दीयां धर्म ईज छै ।
२०२. तीन घर वधावणा
स्वामीजी बाईसटोला माहि थी नीकली नवौ साधपणौ पचखवाने त्यार था | जद कनै साध था ज्यांरी प्रकृति देखी। भारमलजी स्वामी रौ पिता किश्नौजी ज्यांरी प्रकृति कडली । आहार वधतौ मंगावै । अधिकाइ री रोटी उत्तरती लै नहीं । चोखी न दै जद कजीयौ करें ।
1
जद भीलौड़ा में भारमलजी स्वामी नै कह्यौ -- थांरो पिता तौ साधपणा लायक नहीं सो परौ छोड़स्यां । थांरो कांई मन है ?
जद भारमलजी स्वामी कह्यौ - म्हारै तौ आप सूं काम है । आपरी इच्छा आवै ज्यूं कीजै ।
पछै किश्नौजी ने स्वामीजी कह्यौ थारै म्हारै आहार पांणी कोइ
नहीं ।
इम निसुणी किश्नौजी बोल्यो – म्हारा बेटा नै ले जासूं ।
जद स्वामीजी बोल्या -ऊ न आवै, आवै तौ उणरी इच्छा ।
जद जबरी सूं भारमलजी स्वामी नै लेयनै दूजी हाटे जायनै बैठो । आहार पांणी आणने करावा लागौ ।
जद भारमलजी स्वामी बोल्या -- हूंतौ न करूं । नित्य धामै पिण करै नहीं । तीजो दिन आयो वली घणी मनुहार करवा लागौ । जद भारमलजी स्वामी कौ - थारा हाथ रौ आहार करवा रा जावजीव त्याग है । पछे भीखणजी स्वामी नै आंण सूप्या । बोल्यो – औ तो थासूं इज राजी है । थां कनैईज राखौ । थें नवी दिख्या न लोधी है जितरै म्हारौइ ठिकांणौ
| SR No. | 032435 |
| Book Title | Bhikkhu Drushtant |
| Original Sutra Author | N/A |
| Author | Jayacharya, Madhukarmuni |
| Publisher | Jain Vishva harati |
| Publication Year | 1994 |
| Total Pages | 354 |
| Language | Hindi |
| Classification | Book_Devnagari |
| File Size | 21 MB |