________________
सोरठा ३३. पूज्य दियो संकेत, आखिर श्रावक संघ नै।
चर्चा करो सचेत, प्रश्न-पडुत्तर रूप में।। ३४. नेमनाथजी सिद्ध, श्रावक पुर-सरदार रा। . चार्चिक प्रवर प्रसिद्ध, पूज्य जवाहिर पे गया।। ३५. पूछ्यो प्रश्न उदार, मिथ्याती री सतक्रिया।
श्री जिन-आज्ञा बा'र, अथवा आज्ञा में कहो? ३६. बंध बढावणहार, या है बंध-विमोचणी?
भवभ्रमण की धार, वा भवभ्रमण-निवारणी? ३७. अधरम है या धर्म? परिषद में प्रतिवच करो।
जैनधर्म रो मर्म, सारी जनता ज्यूं सुणै।। ३८. बड़ी मुसीबत-सी क, टोळाधिप रै सामनै। ___उत्तर अधिकृत ठीक, मुश्किल मिलणो नेमजी! ३६. यदि उत्तर अनुकूल, (तो) निज मत हेत तिलांजलि।
पड़े लोक-प्रतिकूल, पारंपरिक जवाब स्यूं।। ४०. सन्मुख पृच्छाकार, परिचित है आछीतरै ।
उलट-पलट आसार, चलै न 'सिद्धां' सामनै ।। ४१. चर्चा चली न बात, रट समाप्त शास्त्रार्थ री।
तेरापथ री ख्यात, बढ़ी दोगुणी-चोगुणी।।
म्हारा पूज्य परम गुरु! प्यारा लागो जी।
४२. श्रमण सत्यां नै विचराया देश-प्रदेश में,
प्रतिपख-विवरण रो सम्पूरण अध्याय। ढाळ बारमी आ तीजे उल्लासे कही, 'तुलसी' भिक्षुशासण री बढ़ती दाय।।
१. देखें प. १ सं. १०२ २. लय : चंदन चोक्यां में सरस बखाण
२३० / कालूयशोविलास-१
