________________
५. श्री कालू हृदय-स्थले, मघवा मुनिपति उप्त। बीज विशद व्याकरण रो रह्यो सुरक्षित गुप्त । । ६. साठै जल-सिंचन मिल्यो, बण्यो बीज अंकुर ।
वृक्ष - रूप लहसी प्रवर, अब बो समय अदूर ।। ७. आचार्यां द्वारा इसो, घो. चि. पू. लि. आयास । अश्रुतपूर्व अपूर्व है, गुरु-गरिमा आभास ।।
'गुरु-चरणां म्हांरो जी रम्यो रे, खिण ही विरह न जाय खम्यो रे । श्री कालू गणसिणगार हो राज ।।
८. साल इकोत्तर सही रे, चातुरगढ़ चउमास हो राज ! मुनि चउविंशतिसाहुणी रे, बंयालीस सुभास हो राज ! ६. दीक्षोत्सव आसोज में रे, आया आग्रह झाल ।
श्रावकगण मेवाड़ रा रे, प्रांजलि विनय विशाल । । १०. पतितोद्धार ! पधारिए रे, संग सबल लहि थाट ।
मेदपाट री मेदिनी रे, जोवै खड़ि-खड़ि बाट । । ११. सघन शिलोच्चय ब्याज स्यूं रे, ऊंचा कर-कर हाथ ।
चंचल दल शिखरी मिषे रे, दै झाला जगनाथ । । १२. नयणां विरह तुमारड़े रे, झरै निझरणां खास । भ्रमराराव-भ्रमे करी रे, लै लाम्बा निश्वास । । १३. कोकिल- कूजित ब्याज स्यूं रे, राज! उड़ावै काग । अरघट खट-खटका करी रे, खटक दिखावै जाग ।। १४. अबला अचला जन्म स्यूं रे, पूज्य वियोग विशेष ।
ऊबड़-खाबड़ता लही रे, कृशता रो संक्लेश ।। १५. मुनिपति! अब तो मानिए रे, आ मोटी मनुहार ।
महि-माता री जो खरी रे, लाचारी अवधार ।। १६. भक्तिभाव अद्भुत लखी रे, दीन्हो गुरुवर ध्यान । हुवै आंतरिक भक्ति स्यूं रे, वशवर्ती भगवान ।।
१. लय : हेम ऋषी भजिए सदा रे
१२२ / कालूयशोविलास-१
