________________
તે દ્રવ્યવેદ કહેવાય છે.
(2) વેદમોહનીયકર્મના ઉદયથી સંસારના ભોગસુખની જે અભિલાષા ઉત્પન્ન થાય છે, તે ભાવવેદ કહેવાય છે.
(૬) કષ = સંસાર, આય = લાભ વૃદ્ધિ
(1) જીવને કષાયમોહનીયકર્મના ઉદયથી સંસારની જન્મમરણની વૃદ્ધિ થાય એવો જે પરિણામ ઉત્પન્ન થાય છે, તે કષાય કહેવાય છે.
(2) અનેક પ્રકારનાં સુખ-દુઃખના ફળને યોગ્ય કર્મક્ષેત્રનું જે કર્ષણ (ખેડાણ) કરે છે, તે કષાય કહેવાય છે.
(3) જીવના શુદ્ધ સ્વરૂપને જે કલુષિત કરે છે, તે કષાય કહેવાય છે.
(૭) કોઈપણ વસ્તુ સામાન્યધર્મ અને વિશેષ ધર્મવાળી હોય છે. તેમાંથી વિશેષધર્મનો બોધ કરાવનારી આત્મિકશક્તિને જ્ઞાન કહે છે.
(૮) મન-વચન અને કાયાથી કોઈ પણ પાપ કરવું નહી, કરાવવું નહીં અને અનુમોદવુ નહીં. એ ૩*૩=૯ પ્રકારે જિંદગી સુધીનું સામાયિકવ્રત સહિત પંચમહાવ્રતનું પચ્ચકખાણ કરવું, તે સંયમ કહેવાય છે.
(૯) કોઇપણ વસ્તુ સામાન્યધર્મ અને વિશેષધર્મવાળી હોય છે. તેમાંથી સામાન્યધર્મનો બોધ કરાવનારી આત્મિકશક્તિને દર્શન કહે છે.
(૧૦) જેનાથી આત્મા કર્મની સાથે લેવાય છે, તે લેશ્યા કહેવાય. તે ૨ પ્રકારે છે. (1) દ્રવ્યલેશ્યા અને (2) ભાવલેશ્યા.
યોગવર્ગણામાં રહેલા કાળા વગેરે રંગના પુદ્ગલોને દ્રવ્યલેશ્યા કહે છે અને તેનાથી ઉત્પન્ન થતાં આત્મિક પરિણામને ભાવલેશ્યા કહે છે.
