________________
तिअनाण दुदंसाइमदुगे अजइ देसि नाणदंसतिगं ॥ ते मीसि मीसा समणा जयाइ केवलदुअंतदुगे ॥ ४८ ॥ सासणभावे नाणं विउव्वाहारगे उरलमिस्सं । नेगिंदिसु सासाणो, नेहाहिगयं सुयमयं पि ॥ ४९ ॥ छसु सव्वा तेउतिगं, इगि छसु सुक्का अजोगि अल्लेसा । बंधस्स मिच्छ अविरइ, कसाय जोग त्ति चउ हेऊ ॥ ५० ॥ अभिगहियमणभिगहिया-भिनिवेसियसंसइयमणाभोगं । पण मिच्छ बार अविरइ, मणकरणानियमु छजियवहो ॥५१॥ नव सोल कसाया पनर, जोग इय उत्तरा उ सगवन्ना । इग चउ पण तिगुणेसु, चउतिदुइगपच्चओ बंधो ॥५२॥ चउ मिच्छ मिच्छअविरइ-पच्चइया साय सोल पणतीसा । जोग विणु तिपच्चइया-हारगजिणवज सेसाओ ॥५३॥ पणपन्न पन्ना तिअछहिअ - चत्तगुणचत्त छचउद्गवीसा । सोलस दस नव नव सत्त हेउणो न उ अजोगिंमि ॥५४॥ पणपन्न मिच्छिहारग दुगूण सासाणि पन्न मिच्छविणा । मीसदुगकम्मअण विणु तिचत्त मीसे अह छचत्ता ॥ ५५॥ सदुमिस्सकम्म अजए, अविरइकम्मुरलमीसबिकसाए । मुत्तु गुणचत्त देसे, छवीस साहारदु पमत्ते ॥५६॥ अविरइ इगार तिकसाय, वज अपमत्ति मीसदुगरहिआ । चउवीस अपुव्वे पुण, दुवीस अविउव्वि आहारे ॥ ५७॥ अछहास सोल बायरि, सुहुमे दस वेअसंजलणति विणा । खीणुवसंति अलोभा, सजोगि पुव्वुत्त सग जोगा॥ ५८॥ अपमत्तंता सत्तट्ठ, मीस अपुव्व बायरा सत्त ।। बंधइ छस्सुहुमो एगमुवरिमा बंधगाजोगी ॥ ५९॥ आसुहुमं संतुदए, अट्ठ वि मोह विणु सत्त खीणमि । चउ चरिमदुगे अट्ठ उ, संते उवसंति सत्तुदए ॥ ६०॥
३८८
