________________
વિસંયોજના કરી છે. તેને અનંતાનુબંધીકષાયની સત્તા હોતી નથી. પણ તે જીવ જ્યારે મિથ્યાત્વે આવે છે. ત્યારે પ્રથમ સમયે જ અનંતાનુબંધીકષાયને બાંધે છે. તે વખતે અનંતાનુબંધીકષાયની સત્તા પ્રાપ્ત થાય છે પણ તે દલિકો જ્યાં સુધી બંધાવલિકા અથવા સંક્રમાવલિકા પૂર્ણ ન થાય. ત્યાં સુધી ઉદયમાં આવી શકતા નથી. એટલે અનંતાનુબંધીના વિસંયોજક જીવને મિથ્યાત્વે આવ્યા પછી એક આવલિકા સુધી અનંતાનુબંધીનો ઉદય હોતો નથી.
શંકા :- મિથ્યાત્વગુણઠાણે ૧૩ યોગ કહ્યાં છે. તો અહીં મિથ્યાર્દષ્ટિજીવને ૧૦ યોગ કેમ કહો છો ?
સમાધાન :- મિથ્યાત્વગુણઠાણે અનંતાનુબંધીના ઉદયવાળા મિથ્યાદૅષ્ટિજીવને ૧૩ યોગ હોય છે. પણ અનંતાનુબંધીના ઉદય વિનાના મિથ્યાર્દષ્ટિજીવને ૧૦ યોગ હોય છે. કારણકે અનંતાનુબંધીનો વિસંયોજક જીવ સમ્યક્ત્વથી પડીને મિથ્યાત્વે આવ્યા પછી અંતર્મુહૂર્તકાળ સુધી મરતો નથી. તેથી તેને પરભવમાં જવાનું હોતું નથી. માટે કાર્પણ કાયયોગ, ઔમિશ્ર અને વૈમિશ્રયોગ હોતા નથી. તેથી અનંતાનુબંધીના ઉદય વિનાના મિથ્યાર્દષ્ટિજીવને ૧૩ યોગમાંથી ૩ યોગ વિના ૧૦ યોગ જ હોય છે.
૧૦ બંધહેતુના ભાંગા :
એક જીવને અનેક સમયની અપેક્ષાએ ૧૦ બંધહેતુના પણ અનેક વિકલ્પો થાય છે. જેમકે, ૧૦ બંધહેતુવાળો જીવ કોઇવાર આભિગ્રહિકમિથ્યાત્વી હોય છે. કોઇવાર અનાભિગ્રહિકમિથ્યાત્વી હોય છે. કોઇવાર આભિનિવેશિકમિથ્યાત્વી હોય છે. કોઇવાર સાંશયિકમિથ્યાત્વી હોય છે. કોઇવાર અનાભોગિકમિથ્યાત્વી હોય છે.
તે પણ (૧) કોઇવાર સ્પર્શેન્દ્રિયની અવિરતિવાળો આભિગ્રહિકમિથ્યાત્વી હોય છે. (૨) કોઇવાર ૨સનેન્દ્રિયની અવિરતિવાળો આભિગ્રહિકમિથ્યાત્વી હોય છે. (૩) કોઇવાર ઘ્રાણેન્દ્રિયની અવિરતિવાળો આભિગ્રહિકમિથ્યાત્વી હોય છે. (૪) કોઇવાર ચક્ષુરિન્દ્રિયની અવિરતિવાળો આભિગ્રહિકમિથ્યાત્વી હોય છે. (૫) કોઇવાર શ્રોત્રેન્દ્રિયની અવિરતિવાળો આભિગ્રહિકમિથ્યાત્વી હોય છે.
૨૨૨
