Page Text
________________
ઉદયસમયથી માંડીને એક આવલિકામાં ભોગવાય, તેટલા નિષકોને “ઉદયાવલિકા” કહે છે. અસત્કલ્પનાથી..... ઉદયાવલિકા = ર સમય
માનવામાં આવે તો......... ચિત્રનં.૧૫માં બતાવ્યા મુજબ એ નામનો માણસ મનુષ્યગતિની અંતઃકો૦કો૦સા૦ = ૨૪૦ સમયની નિષેકરચનામાંથી નીચેથી ઉદયાવલિકા = ૨ સમય = ૨ નિષેકને મૂકીને, તેની ઉપરના ૩ થી ૨૪૦ નિષેકમાંથી કેટલાક દલિકોને પ્રયત્નવિશે ષથી ખેંચીને ઉદયાવલિકામાં નાંખીને ભોગવે છે. તેને મનુષ્યગતિની ઉદીરણા કહે છે. એ જ રીતે, માણસ- ને જે સમયે જેટલી પ્રકૃતિનો વિપાકોદય હોય છે, તેટલી પ્રકૃતિની ઉદીરણા થાય છે. અનુદયવતી પ્રકૃતિની ઉદીરણા થતી નથી...... ( ૭૫ વર્ષના આયુષ્યવાળા માણસ-૩૨ ને ૭૫ વર્ષના છેલ્લાસમય (મરણસમય) સુધી મનુષ્યાયુને છોડીને, મનુષ્યગતિ વગેરે વિપાકોદયવાળી કર્મપ્રકૃતિની ઉદીરણા ચાલુ હોય છે. મનુષ્યાયુની ઉદીરણા એક આવલિકાયૂન ૭૫ વર્ષ સુધી જ ચાલુ રહે છે. મનુષ્યાયુની છેલ્લી ઉદયાવલિકા બાકી રહે છે ત્યારે મનુષ્યાયુની ઉદીરણા થતી નથી કારણ કે મનુષ્યાયુની છેલ્લી ઉદયાવલિકા ઉપર મનુષ્યાયુનું કર્મદલિક જ હોતું નથી. તેથી મનુષ્યાયુની છેલ્લી ઉદયાવલિકા બાકી રહે છે. ત્યારે મનુષ્યાયનો ઉદય હોય છે પણ મનુષ્યાયની ઉદીરણા હોતી નથી. ૮. મતાંતરે :- વિપાકોદયવતી કર્મપ્રકૃતિના ઉદયાવલિકા ઉપરના નિષેકોમાંથી કર્મદલિકો ઉદય સમયમાં નાંખવા, તે ઉદીરણા કહેવાય છે. ૯. ઉદયાવલિકાની ઉપરના નિષેકમાંથી અમુક જ દલિકોને ઉપાડીને ઉદયાવલિકામાં નાંખે છે. કોઈપણ નિષેકમાંથી બધા જ દલિકોને ઉપાડીને ઉદયાવલિકામાં નાંખતો નથી. તેથી ઉદયાવલિકા ઉપરનું કોઈપણ નિષેક સંપૂર્ણ નાશ પામતું નથી. ૧૦. નિષેકરચનાના નીચેના ભાગમાંથી જેમ જેમ એક-એક સમયે ક્રમશઃ એક-એક નિષેકનું કર્મલિક ભોગવાઈને નાશ પામતું જાય છે. તેમ તેમ ઉદયાવલિકા ઉપર-ઉપર વધતી જાય છે. જેમકે મનુષ્યભવના પ્રથમ સમયે મનુષ્યગતિની ૧લા-૨જા સમયની ઉદયાવલિકા છે. બીજા સમયે રજા-૩જા સમયની ઉદયાવલિકા હોય છે. ત્રીજા સમયે ૩જા-૪થા સમયની ઉદયાવલિકા હોય છે. એ રીતે, આગળ સમજવું.
(૫૨
| SR No. | 032406 |
| Book Title | Karmstav Dwitiya Karmgranth |
| Original Sutra Author | N/A |
| Author | Ramyarenu |
| Publisher | Shahibaug Girdharnagar Jain S M P Sangh |
| Publication Year | 2006 |
| Total Pages | 280 |
| Language | Gujarati |
| Classification | Book_Gujarati |
| File Size | 45 MB |