________________
ધોબીઘાટ પર જશું અને સંત સામે સાચા હૃદયની પ્રાર્થના રૂપી પાણીમાં આ મનરૂપીમેલાવસ્ત્રને પલાળીશું તો પ્રબુધ્ધ કરુણાના કરનાર સંત સાધનાની શીલા પર ત્રિરત્નના સાબુથી, સત્સંગની થપથપીથી ધુલાઈ કરી આપણાં મેલા મનને વિકારોથી મૂક્ત કરી સ્વચ્છ નિર્મળ બનાવશે.
સંત સમાગમ મનને દર્પણ બનાવી દેશે. સંત તો કલાકાર છે. સત્સંગ સૃષ્ટિની સંજીવની છે. અવનિનું અમૃત છે, ભૂલોકની ભાગીરથી અને વસુંધરાનો વૈભવ છે.
સંત આધ્યાત્મિક આકાશમાં માનવતા અને કરૂણાનું ઈન્દ્રધનુષ્ય છે. સંત સૌહાર્દ અને સૌજન્યની સિતાર પર સદ્ભાવનું સંગીત છે. સંત વિકૃતિની બજારમાં સંસ્કૃતિનો શંખનાદ છે. સંત એક એવું માનસરોવર છે જેમાં કંસ જેવી વ્યક્તિ ડૂબકી લગાવે તો હંસ બને છે અને અંતે તેનામાંથી પરમહંસ પ્રગટે છે. સમાધી મરણનું બીજ આપવાવાળા સંત આચરણનું આશિષ આપે છે. સત્સંગ એટલે સત્યનો સંગ, સંતનો સંગ.... સશાસ્ત્રનો સંગ.... જે “પા” ઘડીનો સત્સંગ કરે છે તેની પાઘડી' સ્વયંકાળ પણ ઉછાળી ન શકે.
માનવતાની ભાવનાનું ઉત્કૃષ્ટ મેઘધનુષ્ય રચતાં સંતો અધ્યાત્મ આકાશમાં આત્મતેજનું દિવ્ય ઈન્દ્રધનુષ રચી શકે છે.
અહીં તેમની સક્રિયતામાં સંસાર પ્રત્યેના પ્રચ્છન્ન ઉદાસીન ભાવોનું આંતરદર્શન કરી શકાશે.
તપથી કાયાને કૃષ કરનારા અને જયણા ધર્મનું પાલન કરતાં, અન્નાની, મલિન વસ્ત્રો ધારણ કરનારા સંતોનો દેહ કદાચ સોહામણો ન પણ હોય પરંતુ તેમનું આત્મતેજ અદ્ભુત છે.
જ્ઞાનીઓએ સંતોના આત્માને ધારદાર તલવાર સાથે સરખાવ્યો છે.
= ૩૦
=
વિચારમંથન
