________________
સરળતા જ જીવન
આ સમગ્ર સંસારમાં મનુષ્યો ચિત્ર-વિચિત્ર સ્વભાવના હોય, ભિન્ન ભિન્ન પ્રકૃતિના હોય છે. કોઈ સરળ હોય, કોઈ વક્ર એટલે વાંકો હોય કોઈ શરીરથી સુંદર હોય પણ મનથી મલિન હોય, કોઈ મૂર્ખ હોય કોઈ ચતુર અને બુધ્ધિશાળી હોય. કોઈ સુસ્ત આળસુ અને મંદ હોય તો કોઈ ચપળ અને સ્કૂર્તિમાન હોય.
ભગવાને વૃક્ષોને પ્રતીક બનાવી મનુષ્યોના સ્વભાવની સરખામણી કરતી એક ચોભંગી દર્શાવી છે.
चतारि रूक्खा पण्णता-तं जहा - ऊज्जु णाममेगे उज्जु ऊज्जु णाममेगे के वके णाममेगे के
અહીં વૃક્ષોના ચાર પ્રકારની વાત કરવામાં આવી છે.
એક શરીરથી કોમળ ઋજુ અને સુંદર હોય અને કાર્યથી પણ સુંદર ફળફૂલ દેવાવાળું હોય. તકલીફ વિના સમયે સમયે મધુર ફળો આપ્યાં કરે.
કોઈક વૃક્ષો જોવામાં સરળ હોય, કોમળ પણ હોય પરંતુ ફળો આપવામાં વક્ર હોય. સમયસમયે ફળો ન આપે. કોઈ એક વર્ષ ફળ આપે તો કોઈ એક વર્ષ ફળ ન પણ આપે. ઘણી વાર આવાં વૃક્ષોની સેવા કરવામાં આવતી હોય છતાંય ફળો ન આવે. ત્રીજા પ્રકારના વૃક્ષો દેખાવ શરીર આકારમાં વક્ર-વાંકા ટૂંકા હોય પરંતુ ફળો આપવામાં સરળ હોય છે તેનો બાહ્ય આકાર આકર્ષિત ન હોય પરંતુ સમયે સમયે ફળ આપી તેની સેવા કરવાવાળાનું મન સદેવ પ્રસન્ન રાખે છે.
ચોથી શ્રેણીનાં વૃક્ષોનું શરીર પણ વાંકુંચૂંકુ અને ફળ દેવામાં પણ વક્રતા ક્યારેક થોડાં ફળો આપે, તે પણ ખાટા કડવા કે સ્વાદવિહીન હોય.
૧૦૦ =
વિચારમંથન E
