________________
જેમની પાસે અખૂટ સંપત્તિ રૂપિયા છે તે મલ્ટી મીલિયોનર કહેવાય પરંતુ જેની પાસે જમીનનો નાનો સરખો ટુકડો હોય તેને Land Lord લેન્ડલોર્ડ કહે છે. પાંચ પંદ૨ ટન સોનું કે ઝવેરાત હોય તેને સંપત્તિવાન કહે પણ Lord એટલે કે રાજા ન કહે પણ જમીનના ટુકડાના માલીકને લેન્ડલોર્ડ એટલે રાજા કહ્યા. આમ વહેવારજગતમાં ભૂમિને મૂલ્યવાન ચીજ ગણી છે પરંતુ, મા ધરતી કહે છે, મારામાં આકિત ન રાખ, હું માત્ર કીંમતી ચીજ નથી. ચૈતન્યનો અંશ છું. માતા સંતાનોને આપવામાં કદી વાળો-ટાળો ભેદભાવ રાખતી નથી. વસુંધરાને કોઈ વહાલું નથી. કોઈ દવલું નથી. એની અમીધારા સતત વરસતી હોય છે. મા વસુંધરાને અહિંસા પ્રિય છે. પૃથ્વી પર હિંસા વધે છે માટે પૃથ્વી ત્રસ્ત થઈ જાય છે. કંપી જાય છે અને ધરતીકંપ થાય છે.
શક્તિનું મૂળ કેન્દ્રસ્થાન નાભિમંડળ છે. નાભિમંડળથી વળી ભૂમંડળને સ્પર્શ કરવો એટલે વંદના-સાક્ષાત દંડવત પ્રણામ-નમન. આ નમન કરવાથી અહંકાર ઘટશે. દરેક વ્યક્તિની ચોપાસ એક આભામંડળ હોય છે. સાથે એક અહંકારનું વર્તુળ પણ હોય છે. નમવાથી વ્યક્તિ પોતાના અહંકાર વર્તુળમાંથી બહાર નીકળશે. અહં અને મમની દિવાલો તૂટશે. સાક્ષાતદંડવતમાં પૃથ્વીની સમથળ થવાથી મા પૃથ્વીના સમતા અને ક્ષમાના ગુણોથી શરણાગતિના ભાવો પ્રવાહિત થશે. દિવ્ય-પવિત્ર આભામંડળનો વિસ્તાર થશે અને નભોમંડળ સુધી ચેતનાનો વિસ્તાર થશે. આ ક્રિયા આત્માના ઊર્ધ્વગમનમાં પરિણમશે.
મા ધરતી પોતાના બાળકોને એક સંદેશ આપે છે.
‘બેફામ ભોગવાદી બની મારી સંપત્તિનો દુરોપયોગ કરીશ નહિ.
મારામાંથી મળતી સંપત્તિનો પરિગ્રહ ન કર, આ સંપત્તિ પર માલીકી ભાવ રાખવાને બદલે ટ્રસ્ટી ભાવ રાખજે.
૧૨૮
વિચારમંથન
