Page Text
________________
આધારે કહી શકાય તેમ છે. કેટલુંક લખું? તમને આ વાતો પૂર્વગ્રંથી ને હવાઈ કલ્પનાઓથી લખાતી હોય તેમ જણાશે, પરંતુ ફરીથી દઢપણે કહું છું કે તેમ નથી. આ વાત મારા ધ્યાનમાં લગભગ જવલબેનના ઉદેપુરના ચાળીસ ઉપવાસની પહેલાથી પણ ખ્યાલમાં આવેલી છે, પરંતુ હું તે કોને કહું, કેમ કે સૌ પોતપોતાની બાબતમાં ચકચૂર છે. કોઇ સમજવા તો તૈયાર નથી, પણ સાંભળવા તૈયાર નથી.
આ બધી હિલચાલો બહાર આંતરરાષ્ટ્રીય ક્ષેત્રથી ચલાવાય છે, અને સ્થાનિક સરકાર મારફત તેનો અમલ કરાવાય છે. જેથી ભારતની પ્રજા પોતાના દેશની સરકારની સામે ચૂં કે ચાં કરી શકે નહીં, અને સરકાર પક્ષના લોકો ઊલટી તેને ખૂબ જાહેરાત આપે. હિમાલય પર્વત ઉપર અનેક આયોજનો શરૂ થયા છે. શ્રી ગીરનારજી ઉપર રોપવે ગોઠવવાની યોજના શરૂ થઇ છે તેમાં એક યુરોપીયન ઇજનેરના પ્લાનો અનુસાર કામ લેવાનું છે. મદ્રાસ રાજ્યમાં વૈદીક ધર્મના મોટા મોટા મંદીરો છે, જે લગભગ હજારેક વર્ષ આસપાસના પ્રાચીન જૂના હશે.
જેના માટે યુનેસ્કો સંસ્થાએ ૧૭થી ૧૮ કરોડ રૂા. ખર્ચવાના પાસ કરી મદ્રાસ સરકાર મારફત તેના જીર્ણોદ્ધાર માટે કામ ઉપડાવેલ છે. ઘણે ભાગે મદ્રાસ રાજ્ય તે સ્કીમનો સ્વીકાર કરી તે કાર્યક્રમ આગળ વધાર્યું રહેશે. આવું બધું તો શ્રી શત્રુંજય ઉપર થયા વિના ન રહે એ સમજી શકાય તેવી સર્વસામાન્ય બાબત છે, કેમ કે તેની ઉપર પચીસ લાખ રૂ. ખર્ચવાની જાહેરાત ગુજરાત રાજ્ય કરી હતી. જીર્ણોદ્ધાર માટે બહારથી આવડો મોટો ખર્ચ કરવામાં મદદ આવે તેથી મદ્રાસી રાજ્યની વેદીક ધર્મ માનનારી પ્રજા કેટલી બધી ખુશ થાય તે સમજી શકાય તેવી બાબત છે. પરંતુ આટલો ખર્ચ કરવાથી બહારનો કબજો સ્થાપિત થયા બાદ, એકાદ પેઢી પછી એ સ્થાનોની જે સ્થિતિ કરવાના ભવિષ્યના પ્લાનો હશે તે પ્રમાણે થતાં તે વખતના વૈદીક ધર્મ માનનારા જે કોઇ ચુસ્ત આત્માઓ હશે, તેને તો ખુણો બેસીને રોવાનું હશે. શ્રી શત્રુંજય મહાતીર્થરાજ માટે એ બધા પ્લાનો ઉપરાંત એક જુદી જ બાબત છે, પરંતુ તે હું પત્રમાં લખતો નથી. કદાચ તમને તેથી મારી હાંસી કરવાનું મન થઈ આવે, કારણકે અકલ્પ કલ્પના જેવું લાગે.
૮૩
| SR No. | 032382 |
| Book Title | Shatrunjay Tirthni Mahatta |
| Original Sutra Author | N/A |
| Author | Prabhudas Bechardas Parekh |
| Publisher | Prabhudas Bechardas Parekh |
| Publication Year | 2009 |
| Total Pages | 116 |
| Language | Gujarati |
| Classification | Book_Gujarati |
| File Size | 12 MB |