________________
આમ, જિર્ણોદ્ધાર કરવા પાછળના બન્નયના હેતુઓ જુદા હોય છે.
આપણે પણ જીર્ણોદ્ધાર કરવા પાછળ કળા-કારીગીરીને મહત્ત્વ આપતા જઈએ, તો અજાણતાં પણ સરકારી હેતુને ટેકો અપાઈ જાય છે.
જીર્ણોદ્ધારના નામે શિલ્પ, કળા, કારીગીરી વગેરે જાળવવાં કેવાં કેવાં આધુનિક સાધનોનો ઉપયોગ કરવામાં આવે છે તે બધું બતાવી છેવટે તેને જોવા લાયક સ્થળમાં ફેરવી નાખવાનો સરકારી હેતુ હોય છે. ' અર્થાત્ સરકારી હેતુ ધાર્મિક ભાવનાને રક્ષણ આપવાનો નહીં, પરંતુ પ્રથમ પગથિયામાં કળા-કારીગીરી - શિલ્પ જાળવવાનો, બીજા પગથિયામાં તેની જાળવણી બદલે કબજો લેવાનો, ત્રીજા પગથિયામાં તેને પર્યટન સ્થળ તરીકે વિકસાવવાનો, ચોથા પગથિયામાં આધ્યાત્મિક વિકાસમાં તેની પ્રેરકતા તોડવાનો હોય છે અને છેવટના પગથિયામાં તેની ધર્મના તીર્થ તરીકેની પ્રતિષ્ઠા તોડવાનો છે.
તે પ્રતિષ્ઠા તોડવાનો હેતુ ઉપર જણાવ્યું તેમ અન્ય ધર્મના તીર્થ તરીકે મદ્રાસ પાસેના માઉન્ટ થોમસને પવિત્ર પહાડ તરીકે ઉપસાવવાનો છે.
અન્ય ધર્મના લોકો પોતાના સ્થાનની સાથે ધાર્મિક ભાવના જોડી તેને પવિત્ર સ્થાન તરીકે વિકસાવે તેની સામે વાંધો લેવાનું કોઈને પણ કારણ નથી, પરંતુ તેમ કરવા માટે અન્ય ધર્મોના ધાર્મિક સ્થાનોની ધાર્મિકતા તોડવાનું લક્ષ વાંધાજનક છે.
માઉન્ટ થોમસને ખ્રિસ્તી ધર્મના પવિત્ર પહાડ તરીકેનું સર્વોપરી સ્થાન શ્રી ગિરિરાજની પવિત્રતા તોડ્યા વિના પ્રાપ્ત થઈ શકે તેમ નથી. એટલે માઉન્ટ થોમસને પવિત્ર ધાર્મિક તીર્થ ઉપસાવાઈ રહ્યું છે અને ગિરિરાજની ધાર્મિક્તા તોડવાના પ્રયાસો થઈ રહ્યા છે. છાપામાં એ ભાવનું વાંચવામાં આવ્યું હતું કે માઉન્ટ થોમસને પવિત્ર ધર્મસ્થાન માનીને તેની ઉપર જનારા ખ્રિસ્તી લોકો પણ પવિત્રતા જાળવીને ચડે છે.
ગિરિરાજની પૂજા-ભક્તિ માટે ગામો અર્પણ થયાનો ઇતિહાસ છે. તેવી જ રીતે માઉન્ટ થોમસ પાસેના પ્રદેશનાં અમુક ગામોને અમુક વિશિષ્ટ રીતે ગણવાની હિલચાલ થઈ રહી છે, ઉપરાંત ત્યાં આજુબાજુ
–
૬ ૫
-
