________________
सप्तममध्ययनं सप्तस्थानकम् ।
सज्ने, रिस, गंधारे, मज्झिमे, पंचमे सरे ।
धेवते चेव, णेसादे, सरा सत्त विवाहिता ॥ ४७ ॥
एसि णं सत्तहं सराणं सत्त सरट्ठाणा पन्नत्ता, तंजहासज्जं तु अग्गजिब्भाते, उरेण रिसभं सरं । कंठुग्गतेण गंधारं, मज्झजिब्भाते मज्झिमं ॥ ४८ ॥ णासाते पंचमं बूया, दंतोट्ठेण य रेवतं । मुद्धाणेण य णेसातं, सरट्ठाणा वियाहिता ॥ ४९ ॥ सत्त सरा जीवनिस्सिता पन्नत्ता, तंजासज्जं रवति मऊरो, कुक्कुडो रिसभं सरं । हंसो णदति गंधारं, मज्झिमं तु गवेलगा ॥ ५० ॥ अह कुसुमसंभवे काले, कोइला पंचमं सरं ।
छठ्ठे च सारसा कोंचा, सायं सत्तमं गतो ॥५१॥ सत्त सरा अजीवनिस्सिता पन्नत्ता, तंजा
सज्जं रवति मुइंगो, गोमुही रिसभं सरं ।
संखो णदति गंधारं, मज्झिमं पुण झल्लरी ॥५२॥ चउचलणपतिट्ठाणा, गोहिया पंचमं सरं ।
आडंबरो रेवततं, महाभेरी य सत्तमं ॥५३॥
एतेसि णं सत्तण्हं सराणं सत्त सरलक्खणा पन्नत्ता, तंजहासज्जेण लभति वित्तिं, कतं च ण विस्सति ।
गावो मत्ता य पुत्ता य, णारीणं चेव वल्लभो ॥५४॥ रिसभेणं तु एसजं, सेणावच्चं धणाणि य । वत्थगंधमलंकारं, इत्थिओ सयणाणि ॥ ५५ ॥ गंधारे गीतजुत्तिण्णा, वजवित्ती कलाहिया । भवंति कतिणो पण्णा, जे अन्ने सत्थपारगा ॥५६॥
५६१
