________________
ಮುಂಜಾವಿನ ಬೆಳಕಲ್ಲಿ ಕಳೆದ ಕತ್ತಲ ರಾತ್ರಿಯ ಪರದೆಯನ್ನು ಕಿತ್ತೊಗೆದು ಜಾಗ್ರತಿಯ ನುಡಿಗಳನ್ನು ಆಡುವಾಗ, ತನ್ನ ಪುಷ್ಪಗುಚ್ಛಗಳಿಂದ ಆಯ್ದ ಒಂದು ಹೂವನ್ನು ನೀಡುತ್ತ ಎಂತಹ ಅದ್ಭುತ ಅಮೃತದಂತಹ ಮಾರ್ಗದರ್ಶನವನ್ನು ಪ್ರಸ್ತುತ ಪಡಿಸುತ್ತಾರೆ. ರಾತ್ರಿ ಕಳೆದು ಹೋಗಿದೆ, ದಿವ್ಯ ಪ್ರಭಾತವು ಮೂಡಿದೆ. ನಿದ್ರಾವಸ್ಥೆಯಿಂದ ನಿನಗೆ ಬಿಡುಗಡೆಯಾಗಿದೆ. ದೀರ್ಘಕಾಲದ ಅಜ್ಞಾನದ ಸುಪ್ತಾವಸ್ಥೆಯನ್ನು ಹೊಡೆದೋಡಿಸು.” ಅನಂತರ ಒಂದರ ಹಿಂದೆ ಒಂದರಂತೆ ದಿವ್ಯಪುಷ್ಪಗಳು ದಿನವಿಡೀ ಹರಡಿ ಬೆಳಗಿಂದ ಸಂಜೆಯವರೆಗೆ, ಪ್ರತಿಯೊಬ್ಬರಿಗಾಗಿ, ಹೊರಡುತ್ತಿರುತ್ತವೆ.
ಅದ್ಭುತವಾಗಿ ಹೇಳಲ್ಪಟ್ಟ ಮತ್ತು ದೈನಂದಿನ ಮಾರ್ಗದರ್ಶಕ ಕಾರ್ಯಸೂಚಿಯು ಪವಿತ್ರ ಯಶಸ್ವಿ ಪ್ರತಿದಿನದ ಆಚರಣೆಗಾಗಿ ಬೇರೆಲ್ಲಿ ನಮಗೆ ಸಿಗಲು ಸಾಧ್ಯ ?''
ಈ ದಿವ್ಯ ಕುಸುಮಗಳ ಶಾಶ್ವತ ಸುಗಂಧವು ಅನೇಕ ಜನರ, (ಈ ಲೇಖಕನ ಸಹಿತ) ಬದುಕಿನಲ್ಲಿ ಬೆಳಕು ತುಂಬಿದೆ. ಈ ಪುಷ್ಪಗುಚ್ಚವು, ಈ ಹೂಮಾಲೆಯು, ಜನಸಾಮಾನ್ಯರ ಬದುಕನ್ನು ಬದಲಾಗಿಸಿ, ಅವರನ್ನು ಸಂತಸವಾಗಿರಿಸಿ ಧನ್ಯರನ್ನಾಗಿಸಿ, ಸುಖಿಗಳನ್ನಾಗಿಸುವಲ್ಲಿ ಅತ್ಯುತ್ಕೃಷ್ಟಶಕ್ತಿಯುಳ್ಳದ್ದಾಗಿದೆ.
ಶ್ರೀಮದ್ ರಾಜಚಂದ್ರಜೀಯವರ ಈ ಪುಷ್ಪಮಾಲೆಯನ್ನು ಅವರ ಮೊತ್ತಮೊದಲ ಕೃತಿಯಾಗಿಯೂ ಪರಿಗಣಿಸಲಾಗುತ್ತಿದೆ. ಅದರ ಪ್ರಭಾವವೇ ಅವರ ಇತರ ರಚನೆಗಳ ಮೇಲೆ ಆಗಿರುವುದು ಕಾಣುತ್ತದೆ. ಜೀವನವನ್ನು ಮೇಲೆತ್ತಿ ಆತ್ಮವನ್ನೂ ಬಡಿದೆಬ್ಬಿಸುವ ಭವ್ಯರಚನೆಗಳಾದ 'ಭಾವನಬೋಧ-ಮೋಕ್ಷಮಾಲಾ”, “ವಚನಾಮೃತ' ಮತ್ತು 'ಆತ್ಮಸಿದ್ಧಿಶಾಸ್ತ್ರ' - ಇದಕ್ಕೆ ಸಾಕ್ಷಿಯಾಗಿವೆ.
ಆದುದರಿಂದ ಈ ಎಲ್ಲಾ ಉಪಯುಕ್ತ ರಚನೆಗಳು ಎಲ್ಲರಿಗೂ ಎಲ್ಲೆಲ್ಲೂ ತಲುಪಬೇಕು. ಗುಜರಾತು ಮಾತ್ರವಲ್ಲ ದೇಶದಲ್ಲೆಲ್ಲಾ ಹಾಗೂ ಜಗತ್ತಿನೆಲ್ಲೆಡೆಗಳಲ್ಲೂ, ಪ್ರತಿ ಮೂಲೆ ಮೂಲೆಗಳಲ್ಲೂ ಪ್ರತಿ ಭಾಷೆಗಳಲ್ಲೂ ಪ್ರತಿಧ್ವನಿಸುವಂತೆ ತಲುಪಿ
