________________
૫ % પંચભાષી પુષ્પમાળા
જે સર્વને સુવિદિત છે. વર્ષો પૂર્વે વિમલાદીદીની સાથે આયોજિત Selected Works of Srimad Rajchandraji-l ગ્રંથ-આયોજના તો આ અલ્પાત્મા લખનારના પ્રમાદ, અન્ય પ્રવૃત્તિ સર્જનો અને જીવનની કર્મ-કસોટીઓમાં અટવાઈ રહેલી છે, જે આ સર્વ અવસ્થાઓ વચ્ચેથી સંભવ થાય ત્યારે પરમપુરુષોનો પરમ અનુગ્રહ પુનઃ ઊતર્યો તેમ સમજીશું. પરંતુ આ વચ્ચે, વિમલાદીદી અને સહજાનંદ- ઘનજી સાથેનાં સુદીર્ઘ વિમર્શો, ચિંતનાઓ અને આયોજનો અનુસાર શ્રીમદ્ભુનું અન્ય સાહિત્ય તો નાની નાની બહુભાષી પુસ્તક-પુસ્તિકાઓના રૂપમાં પ્રકાશિત થાય એ આ યુગની માગણી હોવાને કારણે અતિ આવશ્યક અને ઉપયોગી છે. વિમલાદીદી તો અવારનવાર ભારપૂર્વક કહેતા રહે છે કે ગુજરાતના, ભારતના યુવકો, ખાસ કરીને જૈનો તો વિવેકાનંદને ભૂલી જાય, રાજચંદ્રજીને વાંચે-વિચારે, તેમની પુસ્તિકાઓ ખીસામાં રાખે .
આ સર્વ સંદર્ભોમાં હવે પ્રથમ અનુવાદિત-સંપાદિત થઈ રહી છે પ્રત્યેકને માટે-બહુજનસમાજને માટે પરમ ઉપકારક, ઉપયોગી અને ઉપાદેય કૃતિ એવી સરલ પ્રાંજલ રચના આ “પુષ્પમાળા”. પંચભાષી - પાંચ ભાષાઓના સ્વરૂપમાં હોવા ઉપરાંત અલગ અલગ પ્રત્યેક ભાષામાં પણ આ પ્રસ્તુત થઈ રહી છે. આમાં મૂળ ગુજરાતી, હિન્દી, અંગ્રેજી, બંગાળી અને દક્ષિણ ભારતના વિશાળ જૈન સાહિત્યની ભાષા કન્નડ - આ પાંચ ભાષાઓ પ્રથમ પસંદ કરાઈ છે.
શ્રીમદ્દ-સહજાનંદઘનજીનું યોગબળ અને અનુગ્રહ અમારો પ્રેરક આધાર છે. સુશ્રી વિમલાતાઈના આ આયોજન- અભિયાનને માર્ગદર્શન અને આશીર્વાદ પ્રાપ્ત છે. શ્રીમદ્- સાહિત્યના અનેક અધ્યેતા સત્પુરુષો—વિદ્વાનોના અમને અનુમોદના પ્રાપ્ત થયેલ છે, તો એક સ્વાધ્યાયી, સાધક ગુરુબંધુની અતિ વિનમ્ર, સહજ-સરલ, ઉલ્લસિત ભાવપૂર્ણ ગુપ્ત અર્થસહાય પણ ! * જિનભારતી મંડ
