________________
૩ ૯ પંચભાષી પુષ્પમાળા સંપાદકીય : પરમ આત્મા પરમકૃપાળુદેવનો લઘુ-વયનો મહાન
ઉપકાર-ઉપહાર
પંચભાષી પુષ્પમાળા પૂર્વપ્રજ્ઞાનું સ્પષ્ટ પ્રત્યક્ષ પ્રમાણ-પરમકૃપાળુદેવ શ્રીમદ્ રાજચંદ્રજીની દસ વર્ષની બાળ-આયુમાં નિષ્પન, પ્રજ્ઞાપુષ્પોથી પુષ્પિત આ પુષ્પમાળા'! જ પોતાના અનેક જન્મોના જ્ઞાન-નિષ્કર્ષ અને સહજસુંદર-સરલ - નિચ્છલ જીવન દર્શનની પરિચાયક, સાત વર્ષની વયના પૂર્વજન્મ-જાતિસ્મૃતિ જ્ઞાનની ફ્લશ્રુતિ-પ્રદાયક, આ પરમ આત્મજ્ઞ પ્રજ્ઞાપુરુક્ષના ઉપકાર- ઉપહારવત્ નિત્ય જીવન જીવવાની પ્રાયોગિક ક્રમ-માલા !! - આઠ વર્ષની વયમાં લિખિત કવિતા વગેરે પછી લખાયેલી આ કેવી અનુપમ કૃતિ !
આબાલવૃદ્ધ, અભણ-પંડિત, ગૃહસ્થ-ત્યાગી સૌને માટે કેવી મધુર પંજાલ સરલ પ્રાંજલ ભાષા-પરિભાષામાં દિવસભર-જીવનભરનું સતત જગાવી રાખનારું આ માર્ગદર્શન, દિશાદર્શન !!!
વર્તમાનના, “આજ'ના, જીવનની વહી જઈ રહેલી સુવર્ણ ક્ષણોને પકડી લેવાનું, તેને સંઘરી રાખવાનું, તેનો શ્રેષ્ઠતમ ઉપયોગ કરી લેવાનું સુંદર આયોજન અહીં ૧૦૮ પ્રજ્ઞા પુષ્પો દ્વારા પ્રસ્તુત કરાયેલું છે. આવું અદ્ભુત, અનુપમ અનુ-ચિંતન કયાં મળશે? આવી માળા પણ કયાંથી ઉપલબ્ધ થશે ?
આ પુષ્પમાળાએ અનેકોનાં જીવન, પુષ્પના જેવી સુવાસથી પુષ્પિત, અનુપ્રાણિત કરીને મઘમઘતાં કરી દીધાં છે. અમ અલ્પજ્ઞો પર પણ આ નાની-શી કૃતિનો મહાન ઉપકાર છે. અનેકોના, સર્વ જનસામાન્યના જીવનને સુંદર, સળ, ઊર્ધ્વગામી બનાવવાની આમાં ક્ષમતા છે.
* જિનભારતી
