Page Text
________________
અને મિથ્યાત્વશલ્યને કાપનારા છો, સ્વયં ભય વિનાના છો, બીજાને અભય આપનારા છો, રાગદ્વેષથી રહિત છો, માનને ચૂરનારા છો, ક્રોધને બાળનારા છો, ગુણરત્નના નિધાન અને શીલના સાગર છો. આપ ધર્મચક્રથી નિજના અને ભક્તજનોના ચારગતિરૂપ સંસારનો અંત લાવનારા છો.”
ઉપર જણાવ્યા મુજબ મેરૂપર્વત ઉપર પ્રભુનો જન્માભિષેક ઇન્દ્રો તથા દેવો વગેરે અતિશય ઉમંગપૂર્વક ઉજવે છે. હર્ષથી પ્રત્યેકના હૈયા નાચી ઉઠે છે, અને જન્મકલ્યાણકની ઉજવણી પૂરી થાય છે. ઇન્દ્રનું માતા પાસે આગમન, રત્નની વૃષ્ટિ અને ઉદ્ઘોષણા
પછી ત્રિભુવનપતિ તીર્થકર દેવને વિવેક અને ભક્તિપૂર્વક ગ્રહણ કરી ઇન્દ્ર માતાની પાસે આવે છે. અને તે માતા પાસે સ્થાપિત કરેલું પ્રભુનું પ્રતિબિંબ સંહરી પ્રભુને બિરાજમાન કરે છે, તથા અવસ્થાપિની નિદ્રાને સંહરી લે છે. પ્રભુની સેવામાં દિવ્યવસ્ત્ર, રત્નનો હાર, સુવર્ણનો દડો વિગેરે મુકે છે. મર્દન, મજ્જન કરાવનારી વિગેરે પાંચ ધાવમાતાની સ્થાપના કરે છે. તેમ પ્રભુને ખેલાવવા માટે, આનંદમોજમાં રાખવા માટે રંભા-ઉર્વશી વિગેરે અપ્સરાઓને નીમે છે. એથી પ્રભુનું સુંદર લાલન પાલન એવું અદ્ભુત થાય છે કે જે ચક્રવર્તીના પાટવી પુત્રને ય નથી મળતું. આ અપૂર્વ પુણ્યનો પ્રકાર છે. ભૂલવાનું નથી કે આના મૂળમાં પૂર્વના ત્રીજા ભવનો ઉછળતો શાસનરાગ અને વિશ્વ પરની ભાવદયા છે. ઇન્દ્ર પ્રભુના ઘરમાં બત્રીસ કરોડ સોમૈયા, હીરા, માણેક તથા મહામૂલા વસ્ત્રોની વૃષ્ટિ કરાવે છે. તીર્થકર બનવાના પુણ્ય આગળ ઇન્દ્રો જેવા દાસ બની જાય તો લક્ષ્મીનું તો પૂછવું જ શું ? લક્ષ્મીના જાણે પુષ્કરાવર્ત વરસે છે, પુષ્પરાવર્તના મેઘથી ભૂમિ જેમ જલબંબાકાર થઇ જાય, તેમ અહીં સૌનૈયા વિગેરેથી ઘરમાં લક્ષ્મીની રેલમછેલ કરી નાખે
છે.
પ્ર. - પ્રભુ તો પરમનિરીહ છે એટલે ઇચ્છા વગરના છે, પરમ વિરાગી છે. તેમને સોનૈયા રત્ન વિગેરેની વૃષ્ટિનીલેશમાત્ર પણ અપેક્ષા નથી. સોનાની પાટ અને માટીનું ઢેકું એ બન્ને પર એમને સમાન દૃષ્ટિ છે રત્નની વૃષ્ટિ અને @ ફિટ ફટ - ફફ ફફ ફફફ ફફફ ૫૧ ફફફ ફફફ ફફફ ફફફ રાશિ
| SR No. | 032291 |
| Book Title | Bhaktima Bhinjana |
| Original Sutra Author | N/A |
| Author | Padmavijay Ganivar |
| Publisher | Ambalal Ratanchand Jain Dharmik Trust |
| Publication Year | 1999 |
| Total Pages | 90 |
| Language | Gujarati |
| Classification | Book_Gujarati |
| File Size | 9 MB |