Page Text
________________
બળે આંખના પલકારામાં તે સ્થાને પહોંચી જાય છે. ઉત્તમોત્તમ દ્રવ્યોથી જિનની પૂજા કરવી એ ભાવ હૃદયમાં સુંદર રીતે કોરાઇ ગએલો છે. પ્રભુજીને મનમંદિરમાં બહુમાન પૂર્વક વસાવ્યા છે. તેથી સુંગધીદાર ઔષધિઓ પવિત્ર જળ વિગેરેને એના ખાસ પવિત્ર સ્થળોમાંથી લાવવામાં આવે છે. અરિહંતની ભક્તિની સાચી ભૂખ અને અર્થિપણ જાગ્યા પછી આત્મા સહજ ભાવે પૂજાભક્તિ, સત્કાર, સન્માન કરવામાં પુરુષાર્થ, લક્ષ્મી, વિગેરેનો સદુપયોગ કર્યા વગર રહી શકતો નથી. પરમાત્માની ભક્તિ વિનાના દિવસો રોશની વિનાની દીવાળીની જેમ નિસ્તેજ, નિરસ અને નિરાનન્દ જણાય છે. પાણી તથા ઔષધિ વિગેરે નજીકમાં મળી તો રહે, દૂર જવાની જરૂર ન પડે છતાં પણ દૂર જવાનું કારણ એ કે શ્રેષ્ઠ અને પવિત્ર વસ્તુઓથી પ્રભુની ભક્તિ કરવાની ઝંખના છે. કળશો પણ ઉત્તમ આઠ પ્રકારના અને આકર્ષક. તેનું પ્રમાણ શંકાના વિષય તરીકે કદાચ બની જાય પણ તે શંકા અસ્થાને છે, કારણ તેની પાછળ અનુપમ ભક્તિ અને દિવ્યશક્તિ કામ કરી રહી છે. કળશને બદલે કેટલેક સ્થળે લોટાથી પ્રભુને અભિષેક કરે છે, અથવા મેલા ઘેલા ને અંદર નિગોદના થર બાઝી ગયેલા જુના કળશોથી પ્રભુને નવરાવે છે, તે ખોટું છે. એની તરફ આંખમીચામણાં કરનાર અવિવેકી જીવો ઉપરની આશાતનાના ભોગ બની જાય છે. લોટાનો કાનો પ્રભુને લાગી જવાનો ભય છે. તેમજ લોટાથી ધોવાનું થાય છે, અભિષેક નહિ.
પૂજાની વાટકીઓ, થાળીઓ, ધૂપધાણા, દીપક ચામર વિગેરે ઉપકરણો પ્રભુની ભક્તિમાં અતિશય સુંદર જોઇએ. ગોબા તથા ખાડા પડી ગયેલા, તૂટેલા સસ્તાભાવે ખરીદ કરેલા અને જીર્ણ થઇ ગએલા ઉપકરણોથી પ્રભુની સાચી ભક્તિ થઇ શકે નહિ, કારણકે એમાં પ્રભુની અવગણના તથા આશાતના થાય છે. ખાનપાન, ભોગવિલાસ. નાટક ચેટક, સીનેમા, પીકનીક પાર્ટી, આધુનિક ફેશનેબલ પોશાક, તેની ટાપટીપ વિગેરેની પાછળ પૈસાનો ધૂમ ખર્ચ થાય છે. જીવનની જરૂરીઆતો પાછળ અને વિલાસવૃત્તિને પોષવા માટે વિકારી જીવડો તનથી, ધનથી અને મનથી ખુવાર થયા વગર રહેતો નથી. આજના વિષમ કાળની ખર્ચાળ પદ્ધતિએ તો દાટ વાળ્યો છે. આવક કરતાં ( ફિક ફટ ફટ
કમ ૩૯ 8 8 8 8 8 8 8 8 8
| SR No. | 032291 |
| Book Title | Bhaktima Bhinjana |
| Original Sutra Author | N/A |
| Author | Padmavijay Ganivar |
| Publisher | Ambalal Ratanchand Jain Dharmik Trust |
| Publication Year | 1999 |
| Total Pages | 90 |
| Language | Gujarati |
| Classification | Book_Gujarati |
| File Size | 9 MB |