Page Text
________________
રાજશાહીના ઠાઠમાં પણ પ્રભુની માતાનો પોતાના પતિ પ્રત્યે કેવો અજબ વિનય ! હવે અહીં સિદ્ધાર્થ રાજા તે સ્વપ્નોને બરાબર સાંભળે છે, અને તેના ૫૨ સૂક્ષ્મ વિચારણા કરે છે. સ્વપ્નશાસ્ત્રોમાં આવતા સ્વપ્નોના ફળની જાણકારીને અનુસારે સ્વપ્નોના અર્થને કહી બતાવે છે. સ્વપ્નોના મુખ્ય ફળ તરીકે કહે છે કે રત્નનો જન્મ થશે, એ તીર્થંક૨ થશે અને સ્વર્ગલોક, તિર્ણાલોક અને પાતાળલોક, એમ ત્રણ જગત તેમને પ્રણામ ક૨શે. જગતના પૂજ્ય અને વંદનીય બનશે. આવા પુત્રરત્નના જન્મથી આપણી સઘળી ઇચ્છાઓ ફળીભૂત થશે.
દેવલોક કે નરકમાંથી ચ્યવીને પ્રભુ સમ્યગ્ દર્શન, નિર્મલ મતિ શ્રુતજ્ઞાન તથા નિર્મલ અવધિજ્ઞાનને સાથે લઇને જ માતાના ગર્ભમાં આવે છે. પીઠ કે પડદા પાછળ પડેલી ચીજને સાક્ષાત્ જોવાની તાકાત આજનું વિજ્ઞાનવાદનું સાયન્સ ધરાવી શકતું નથી, જ્યારે અવધિજ્ઞાનમાં આવરણ પાછળ પડેલા તથા દૂરદૂર ક્ષેત્રોમાં તથા કાળમાં રહેલા રૂપી દશ્યોને જોઇ શકવાનું સામર્થ્ય છે. આવા પાંગળા વિજ્ઞાનવાદના અખતરાની પાછળ પણ અનેક જીવોની કારમી હિંસા તથા બીજા અનેક પાપારંભો જોરશોરથી સેવાય છે તે દુઃખદ બીના છે. કહે છે કે બાળ લકવાના રોગને નાબુદ કરવા માટે વાંદરાઓનો વિનાશ કરી તેના મગજની રસીનો દવા તરીકે ઉપયોગ કરવામાં આવે છે. રોકેટ વિમાન અતિશય ઉંચે ગયા બાદ ત્યાંના વાતાવરણની અસર જોવા માટે તેમાં વાંદરા નાખીને ઉડાડવાના હિંસક અખતરા સાંભળ્યા છે, આ આજનું વિજ્ઞાન એટલે વિરૂદ્ધ જ્ઞાન કરી રહ્યું છે ત્યારે આ દિવ્ય અવધિજ્ઞાન મહાન શક્તિવાળું છતાં અહિંસક ધર્મ સાધનાથી પ્રાપ્ત થાય છે.
પ્રભુ ચવ્યા બાદ તેમના પુણ્ય પરમાણુઓ જગતમાં પ્રસરી જાય છે. અને સકલ પ્રાણીઓને સુખનો અનુભવ કરાવે છે. ધર્મના ઉદયનો રમણીય પ્રભાતકાળ શરૂ થાય છે. તેથી મિથ્યાત્વરૂપ તારા નિસ્તેજ બની જાય છે. પ્રભાવશાલી પુણ્યવંતા મહાપુરુષોના પુનિત પગલાંથી કુમતિ અને કુતીર્થિકના તાંડવોનો અંત આવે છે. પ્રભાતકાળમાં સ્ફુર્તિ, આનંદ, ઠંડક અને અનુષ્ણતા
એકમ
૨૬મણે
| SR No. | 032291 |
| Book Title | Bhaktima Bhinjana |
| Original Sutra Author | N/A |
| Author | Padmavijay Ganivar |
| Publisher | Ambalal Ratanchand Jain Dharmik Trust |
| Publication Year | 1999 |
| Total Pages | 90 |
| Language | Gujarati |
| Classification | Book_Gujarati |
| File Size | 9 MB |