Page Text
________________
માતાના ગર્ભમાં આવનાર પરમ પુરુષના આગમનનોજ અજોડ પ્રભાવ છે. અધ્યાત્મયોગી, પરોપકાર-વ્યસની અને પ્રબળ પુણ્યવંતા તીર્થકરોના જીવનનો પ્રભાવ અને માહાભ્યનું બૃહસ્પતિ પણ વર્ણન કરવા માટે અસમર્થ છે.
પ્રભુની માતા પ્રથમ સ્વપ્નમાં ચાર દાંતવાળા, ક્ષીરસમુદ્રના ફીણ સમાન સફેદવર્ણવાળા, ગંભીર અવાજને કરનારા, લક્ષણોપેત સુંદર હાથીને જુએ છે. બીજા સ્વપ્નમાં મનોહર ખાંધવાળા, સુકુમાળરોમરાજીને ધારણ કરનારા, લષ્ટપુષ્ટ અને સુરચિત અંગથી સુશોભિત, અપરિમિત મંગળના ધારભૂત બળદને દેખે છે. ત્રીજામાં ચાંદીના પર્વતની માફક સફેદ, ગોળ, પુષ્ટ અને તીક્ષણ દાઢાવાળા, વિમલ ચલુથી વિરાજિત, મૂદુ અને સૂક્ષ્મ કેશવળીને ધારણ કરનારા, સૌમ્યમુદ્રાયુક્ત, પોતાના મુખમાં પ્રવેશ કરતા એવા સિંહને, ચોથામાં પૂર્ણચંદ્ર જેવા મુખવાળી, કમળ જેવા નયનવાળી, હિમવંત પર્વતના શિખર પર પદ્મદ્રહ સરોવરના કમળ પર રહેનારી, પ્રમાણોપેત અને મનોહર અંગથી દીપતી, હાથીઓની સૂંઢો દ્વારા અભિષેક કરાતી શ્રીદેવીને, પાંચમામાં મોગરો, ચંપક, જાઇ જુઇ વિગેરે સુગંધીદાર પુષ્પોથી શોભતી, પુષ્પોના પરિમલથી દશે દિશાઓને સુવાસિત કરતી, ભમરા ભમરીઓના ગુંજારવથી યુક્ત ફુલની માળાને, છઠ્ઠામાં સમુદ્ર ફીણ કે કંદપુષ્પ જેવા સફેદ વર્ણવાળો, અંધકારનો નાશ કરનારા અને ચંદ્રવિકાસીકમળોને વિકસાવનાર પૂર્ણચંદ્રને, સાતમામાં તેજસ્વી સૂર્યવિકાસી કમળોને વિકસાવતા, પોપટના મુખ્ય સમાન લાલ વર્ણથી મંડિત, મેરુપર્વતની આસપાસ સતત પ્રદક્ષિણા દેનાર દર્શનીય એવા ઉગતા સૂર્યને, આઠમામાં સુવર્ણ દંડની ટોચે રહેલી, મોરના પીંછાવાળી, સિંહના ચિન્તયુક્ત, પવનથી ચાલતી અને અતિશય મોટી એવી ધજાને, નવમામાં નિર્મળ પાણીથી ભરેલા, કમળના સમૂહથી શોભતા, નયનોને આનંદ ઉપજાવતા, વિવિધ પુષ્પોની માળાઓથી દર્શનીય એવા રૂપાના મોટા કળશને, દશમામાં ઉગતા સૂર્યના કિરણોથી થયેલા લાલ પીળા પાણીને ધારણ કરનાર, ગુંજારવ કરતા અનેક ભમરાઓવાળા વિવિધ કમળોથી વિરાજિત કલહંસ, સારસ, વિગેરે પક્ષીઓથી સેવાયેલા પવા સરોવરને, અગીયારમા સ્વપ્નામાં
| SR No. | 032291 |
| Book Title | Bhaktima Bhinjana |
| Original Sutra Author | N/A |
| Author | Padmavijay Ganivar |
| Publisher | Ambalal Ratanchand Jain Dharmik Trust |
| Publication Year | 1999 |
| Total Pages | 90 |
| Language | Gujarati |
| Classification | Book_Gujarati |
| File Size | 9 MB |