________________
કર્મસત્તા (ઢાળ : ચિત્ત તું શીદને ચિંતા ધરે)
૧. ઉદયમાં ફળ તને કેવાં મળે, કર્મની સત્તા નક્કી કરે.
૨.
જે જે કર્મો કીધાં છે તે તે, ભવભવ સાથે ફરે; સંચિત થઈને તુજ જીવનમાં, સુખ-દુઃખ રૂપે મળે કર્મની
૩. યોગ્યતાથી વધુ, કાળથી પહેલાં, કોઈને નવ મળે;
ન્યાય સર્વનો એના હાથમાં, ટાળ્યો કદી નવ ટળે...કર્મની
૪. આવળ-બાવળ વાવ્યાં તો પછી કાંટા કેવળ મળે;
આંબા-રાયણ વાવ્યાં હોત તો, મીઠાં ફળ તને મળે કર્મની
૫. વિદ્યા તપ ને દાન જ્ઞાન જે ગુણિયલ થઈને કરે,
શીલ પાળીને ધર્મ કરે તેનો, માનવ ફેરો ફળે.કર્મની
હિંસા ચોરી જૂઠ નહીં ને, અણહકનું નવ રળે; પરિગ્રહનું પરિમાણ કરે તેનાં, વ્રત તપ નિયમ ફળે કર્મની
૭. દેવ ગુરુને ધર્મની કૃપા, પુણ્યોદયથી મળે;
કરે આજ્ઞા પાલન શ્રદ્ધાથી, જીવન ઉત્તમ મળે..કર્મની
૮.
કહે વિજય તું શુભમાં રહેજે, શુભ કર્મો તને ફળે; અશુભથી જો દૂર રહીશ તો, મુક્તિ મારગ મળે. કર્મની
ભીતરનો રાજીપો * ૩૭
