Shreeyantra Sadhna Upasna Vidhi

SR No.: 032146
Original Sutra Author: N/A
Author: Kalyansagarsuri, Shivsagarsuri, Rushabhsagar
Publisher: Prafullchandra Jagjivandas Vora
Total Pages: 38
Language: Gujarati
Classification: Book_Gujarati
File Size: 4 MB

Page 26

સાધનાનિષ્ઠ પ.પૂ.આ. શ્રી પૂ.શિવસાગર સૂરીશ્વરજી મ.સા.
પૂ.પં.શિવસાગરજી મહારાજશ્રી તપાગચ્છના પ.પૂ.આ ભગવંત શ્રી બુદ્ધિસાગરસૂરિજીના સમુદાયની શિષ્ય પરંપરામાં પ.પૂ.આ.શ્રી કલ્યાણસાગરસૂરિજીના સમર્થ શિષ્યરત્ન છે. આ ગચ્છના વર્તમાન મુનિસમુહમાં પૂ.શિવસાગરજી મહારાજનું નામ એક પ્રતિભાવંત સાધુપ્રવર તરીકે સુપ્રસિદ્ધ છે. આમ તો પૂ. આ. શ્રી બુદ્ધિસાગરસૂરિજી વર્તમાનકાળે સમગ્ર ગુજરાત અને ભારતભરમાં એકઅધ્યાત્મયોગી, પ્રખર સાધનાનિષ્ઠ, દિવ્ય આત્મા અને રાષ્ટ્ર તથા સમાજ દ્રારક આચાર્યદેવ તરીકે અઢારે આલમમાં અલૌકિક વિભૂતિ રૂપે ઊંડી આસ્થાનું શ્રદ્ધેય આસન બની રહ્યાં
આવી મહાન પરંપરામાં પૂ.આ.કલ્યાણસાગરસૂરિજી અનેક રીતે વિશિષ્ઠ સ્થાનના અધિકારી છે.ખાસતો શિલ્પ શાસ્ત્રવિશારદ તરીકે અને જ્યોતિષમુહૂર્તના નિષ્ણાત જ્ઞાતા તરીકે.
ગુજરાતની હેમચંદ્રાચાર્ય યુનિવર્સિટીના નવીન ગ્રંથાગારના ઉદઘાટન પ્રસંગે આર્શીવાદના શુભ સંકેત રૂપે એમણે સ્વસંપાદિત સંસ્કૃત ગ્રંથ અંજનશલાકા પ્રતિષ્ઠાવિધિ” નો પ્રથમ અમૂલ્ય ઉપહાર આપ્યો હતો.
આવી જ્ઞાનગર્ભ વિશિષ્ટ પરંપરાના વારસદાર તરીકે ક્ષમતા અને સામર્થ્યના બળે પૂ.શિવસાગરજી મહારાજશ્રીનું ભાવિ અતિ ઉજવળ છે. આવી અમૂલ્ય ધરોહરની હિફાજત અને સંવર્ધનની પડકારરૂપ કામગીરી જેમને શિરે છેતે પૂ. શિવસાગરજી મ.ની સાંસારિક વિગતો પ્રમાણે છે.
ગુરુવર્ય આ.ભ. કલ્યાણસાગરસૂરિજીની નામનો મર્મ જેમાં સુપેરે પ્રગટ થાય છે. તે નવું નામ ધારણ કરનારા શિવસાગરજીનું સાંસારિક નામ - શૈલેશકુમાર મનુભાઈ પ્રેમચંદ વોરા અને મંજુલાબહેનના ધર્મનિષ્ઠ ઘરમાં તા. ૧૪-૦૮-૧૯૬૫ ના રોજ એમનો જન્મ. આ પ્રથમ સંતાનનું વ્યવહારીક શિક્ષણ ધોરણ આઠ સુધીનું. દીક્ષા તા. ૨૨-૧૧-૧૯૮૧, હિંમતનગર પાસેના અડપોદરા ગામે. તે પછી લગાતાર બે વર્ષયશોવિજયજીન સંસ્કૃત પાઠશાળા, મહેસાણામાં ધાર્મિક અભ્યાસ ઉપરાંત સિદ્ધહેમ વ્યાકરણનું અધ્યયન.
- સાધના પથે ચાલતાં એમણે જ્યોતિષશાસ્ત્રની આધિષ્ઠાત્રી દેવી માતા પંચાંગલીની મહાદેવીની સંનિષ્ઠ આરાધના દ્વારા જ્યોતિષ, યંત્ર, મંત્ર, તંત્ર અને એવાજ ગૂઢ પ્રાચીન સાહિત્યના અધ્યયન અને તેના પ્રકાશન ક્ષેત્રે ઊંચીનામના પ્રાપ્ત કરી. તે પછી પ્રગટ પ્રભાવક શ્રી ઘંટાકર્ણ મહાવીરના એકલાખ જાપા પરિપૂર્ણ કરીને ગણિપદ, પંન્યાસપદવી ૦૨-૧૨-૨૦૦૪ ના શુભ દિને પ્રાપ્ત કરી. સાહિત્યક્ષેત્રે પણ એમને યોગદાન અવિસ્મણીય બની રહ્યું છએ. એમણે બુદ્ધિસાગરસૂરિજીના જીવન-સર્જન પર સંશોધન કરીને પી.એચ.ડી. ની પદવી માટે ઉત્સુક એક વિદ્યાર્થીનીને પ્રેરણા અને પ્રોત્સાહન પૂરું પાડ્યું હતું. જેની ફળશ્રુતિ સ્વરૂપે શ્રીમતી રેણુકા પોરવાલને મુંબઈ યુનિવર્સિટીએ પી.એચ.ડી ની ઉપાધિથી અલંકૃત કર્યા હતા.
પંન્યાસપ્રવર શ્રી શિવસાગરજી મ.સા. ને તેમના ગુરુ મહારાજ પ.પૂ.આ.શ્રી કલ્યાણ સાગરસૂરીશ્વરજી મ.સા. એ અંતરના આશીર્વાદ પૂર્વક સૂરિપદવી તેમજ સૂરિમંત્ર તા.૦૮-૧૧-૨૦૦૯ના શુભદિને મહોત્સવપૂર્વક અર્પણ કરેલ છે.
- વૈયાવચ્ચમાં જેમની સર્વોચ્ચ નામના છે એવા પ.પૂ.આ. કૈલાસસાગરસૂરિજીની સેવાવૃત્તિ, પ.પૂ.આ.શ્રી કલ્યાણસાગર સૂરિજીની અપ્રતિમ ગુરુભક્તિ અને યુગ પ્રભાવક પ.પૂ.આ.શ્રી પધસાગરસૂરિજીની વ્યવહારક્ષતાના ઉત્તમ અંશોની અભિરામ અભિવ્યક્તિ પૂ.શિવસાગરજીના વ્યક્તિત્વમાં સુપેરે પ્રગટ થઈ છે. એમના પ્રથમ શિષ્ય બાલમુનિ ઋષભસાગરજી પણ આવા સમર્થ ગુરુના સાચા વારસદાર સાબિત થશે એવી શ્રદ્ધા સાથે.
-ડો. ક્ષતિ રામી (વડનગર)