________________
तेरहमो सन्धी
जं कवडु किंपि किउ तं खलेण अणुहवउ सोवि तं तहो फलेण । एवहिं समसील समिद्ध जाय तुहुं महु न सिट्ठि हउं तुम्ह राय । तर नंदन सावन्नु एहु कुलमंडणू रिउजयलच्छिगेहु । चिंतिज्जह किज्जइ तेम तेम अहियहिं पमाणहो चडइ जेम । किज्जइ विवाह मंगलपवित्त रिज्झउ गयउरि परिणिवि सुमित्त । धत्ता । एयई आलावई ललियसहावई चवइ जाम भूवालु पहु । तो बहुगुणसारं सहुं परिवारिं भविसयत्तु संपत्तु लहु ॥ १ ॥ दुवई । अहो संवरहो मंतु किं कारण तुंगतुरंगवाहणं । पुरि पसरइ संघट्टिवि बारि नवल्लसाहणं ॥
जो सयलसिंधुसायरहो पालु जसु पोयणपुरवइ सामिसालु । जो सयलकलाकलगुणनिउत्तु दुडरमइंदकंधरहो पुत्तु । जो विउसविक्खण संपहारि सो अच्छइ पहु चित्तंगु बारि । आयउ न मुणहं केणवि छलेण तेहिंमि पइसारिउ तक्खणेण । far अभुत्थाणु नराहिवेण अहिणउ पाहुड अल्लविउ तेण । अवरुप्परु कुसल करेवि तेहिं करु करहं समप्पिर पत्थवेहिं । परिओसु तोसु दिहि तुम्ह देहि परियणि परिवारे नरिंदगेहि । परिपेसणु तर नरवइ मणेण किं कारणु किउ आगमणु जेण । घत्ता । तो पुलयसणाहिं सिंधवनाहिं परिपुच्छिवि सहुं मंतिसउ ।
अत्थाणि नरिंदो ससुहडविंदहो अंतरि सावलेउ चविउ ॥ २ ॥ दुवई । अहो नरवइ पणट्ठपरचक्के तर निरु साणुराइणा ।
सुणु सव्वायरेण अप्पाहिउ जं अवणिंदाइणा ॥ अहो पहु पयंडरायाहिराय पयपालणपरिवज्जियपमाय । अणुहूयविविहकारणकयत्थ दुव्वारवइरिवारणसमत्थ । परिवारपउरपरियणि अथट्ट कामिणिघणथणचड्डुणवियह । अहिमाणमाणगुणसावलेव पोयणपरमेसर भणई एव्व । मई वसविउ कि पुव्वएस गिरिगहणु सायरंतरपवेसु । सोनत्थि जो न महु देइ कप्पु सो नवि मई जासु न दलिउ दप्पु । सो नवि पहु नियसंपयवरिट्टु खंधारिमज्झु जो नवि पइहु । ह नवर तुछु एक्कहो न वंकु अच्छहि कुरुजंगलि निरवसंकु । धत्ता । हयगयरहवाहणु इउ महु साहणु पेसहि जाम ताम उवहि ।
