________________
સોળમા શ્રી શાન્તિનાથ પરમાત્માનું સ્તવન
જગતદિવાકર જગતકૃપાનિધિ, વહાલા મારા સમવસરણમાં બેઠારે। ચઉમુખ ચઉવિહ ધર્મપ્રકાશે, તે મેં નયણે દીઠા રે || ભવિકજન, હરખો રે, નિરખી શાન્તિ જિણંદ 1
ઉપશમરસનો કંદ, નહીં ઇણ સરખો રે. ॥ ૧ ॥ ગાથાર્થ :- આ જગતમાં સૂર્યસમાન, આ જગતમાં દયાના મહા સાગર, મને અતિશય પ્યારા, સમવસરણમાં બીરાજમાન થયા છતા ચારે મુખે ચાર પ્રકારનો ધર્મ સમજાવતા એવા પરમાત્માને મેં આજે મારા નયનોથી જોયા છે.
હે ભવ્ય જીવો ! તમે આવા અનુપમ શાન્તિનાથ પરમાત્માને જોઈ જોઈને અતિશય હર્ષ પામો, જે શાન્તિનાથ પરમાત્મા ઉપશમ રસનો કંદ છે ખરેખર આ ત્રણે ભૂવનમાં આ પરમાત્માની તુલ્ય બીજો કોઈ વ્યક્તિ નથી. (સર્વોત્તમ આ પરમાત્મા છે.) ॥ ૧ ॥
વિવેચન :- હવે સોળમા શ્રી શાન્તિનાથ પરમાત્માની સ્તુતિ કરે છે. ઉર્ધ્વલોક, અધોલોક, અને તિતિલોક એમ ત્રણે લોકને વિષે સૂર્યની સમાન પ્રકાશવાળા - એટલે કે જેમ સૂર્ય પ્રકાશમાન થાય ત્યારે જગતના સર્વ પદાર્થોને પ્રકાશિત કરે છે કોઈપણ પદાર્થ અપ્રગટ રહેતો નથી. તેની જેમ પરમાત્મા જ્યારે કેવલજ્ઞાન પામે છે ત્યારે કેવલજ્ઞાન દ્વારા જગતના સર્વભાવોને ભગવાન જાણે છે કોઈ પણ પદાર્થ અજ્ઞાત રહેતો નથી. તેથી પરમાત્મા સૂર્યસમાન છે.
તથા ચારે કષાયોનો નાશ કરેલો હોવાથી અતિશય દયાના મહાસાગર સમાન કૃપાના ભંડાર એવા સોળમા શ્રી શાન્તિનાથ પરમાત્મા છે કે જે મને અતિશય પ્યારા છે તથા સમવસરણમાં જે
