________________
૧૮૨
શ્રી દેવચંદ્રજી કૃત ચોવીશી ભાગ : ૨ વિશેષાર્થ:- શ્રી ઋષભદેવ પરમાત્માથી પ્રારંભીને શ્રી મહાવીર સ્વામી પર્યન્ત આ અવસર્પિણી કાળમાં થયેલા શાસનના નાયક, ગુણ રત્નાકર, મહામાહણ, મહાગોપ, મહાવૈઘ, આવા ચોવીસ તીર્થંકર પરમાત્મા થયા.
તેઓને ગાઈને, એટલે કે તેઓના ગુણગ્રામ કરીએ. અને તેના દ્વારા પોતાના તત્ત્વસ્વરૂપને ધ્યાઈએ, તે તત્ત્વસ્વરૂપનું ધ્યાન કરતાં તત્ત્વની એકાગ્રતા પ્રાપ્ત કરીએ, તેનાથી પરમાનંદ એવું અવિનાશીપદ પ્રાપ્ત કરીએ.
તેના દ્વારા અક્ષય, અવિનાશી એવું ક્ષાયિકજ્ઞાન. (ક્ષાવિકભાવની અનુપમ (અભૂત) રત્નત્રયી) પ્રાપ્ત કરીએ. / ૧ //
ચૌદહસે બાવન ભલા, ગણધર ગુણભંડારો જી II સમતામયી સાધુ-સાધુણી, સાવય-શ્રાવિકા સારોજી II ૨ |
અર્થ - ચોવીસે જિનરાજના ગણધર (૧૪૫૨) ભલા ઉત્તમ જીવો થયા. ગણ એટલે કે ગણિપિટકના ધણી, ગુણના ભંડાર તથા સમતાના ભંડાર એવા સાધુ-સાધ્વી અને શ્રાવક-શ્રાવિકા સાર કેતાં, પ્રધાન ધર્મના ધોરી તથા સમ્યગ્દર્શન, જ્ઞાન, ચારિત્રનાં પાત્ર, એ પ્રકારનો સંઘ તે સહિત સારો અર્થાત્ આત્માનું કલ્યાણ કરનારો થયો. // ૨ //
| વિવેચન :-ચોવીસે જિનેશ્વર પરમાત્માના ગણધર ભગવંતો કુલ ચૌદસોહ બાવન (૧૪૫૨) ભલા (ઉત્તમ આત્માઓ) થયા. તથા ગણ = ગણિપિટકના ધણી, ગુણના ભંડાર તથા સમતામય જીવનવાળા સાધુ સાધ્વીજી તથા શ્રાવક-શ્રાવિકા સાર (એટલે કે પ્રધાન) એવાં, ધર્મના ધોરી સમ્યગ્દર્શન, સમ્યજ્ઞાન અને સમ્મચારિત્રનાં પાત્ર, એમ રત્નત્રયીનાં સાધક એવો ચાર પ્રકારનો સંઘ તે સહિત આ સર્વે મહાત્માઓ ગાવા યોગ્ય છે.
