________________
શ્રી દેવચંદ્રજી કૃત ચોવીશી ભાગ : ૨
વિવેચન :- ઉપશમ રસ એટલે કે કષાયોનો સર્વથા અભાવ તેનાથી ભરપૂર ભરેલી ક્યાંય અંશમાત્ર પણ ક્રોધાદિ કષાયો જેમાં નથી એવી આ મૂર્તિ છે. તથા સર્વ જીવોને (શંકરી) શાન્તિ કરનારી આવી પ્રભુજીની સ્થાપના (મૂર્તિ) છે. પરમાત્માની આ મૂર્તિ શાન્ત, અચલ, અસ્પૃહમુદ્રાવાળી છે તે મૂર્તિને હું આજે ભેટ્યો છું. નમસ્કાર કરવા સ્વરૂપે આ મૂર્તિને મેં સ્વીકારી છે.
૧૬૬
સંસારમાં એક વાત નિશ્ચિત છે કે જો યોગ્ય કારણ હોય તો કાર્ય નિપજે જ. મને પણ આ વાતની પાકી શ્રદ્ધા છે. તેથી મોક્ષનું અપ્રતિમ નિમિત્ત કારણ એવી પરમાત્માની મૂર્તિનો મને યોગ થયો છે. આ પ્રબળ નિમિત્તકારણ મને પ્રાપ્ત થયું છે.
તથા ઉપાદાન કારણસ્વરૂપ આત્મોપયોગ પ્રમુખ અધ્યવસાય, જિનગુણભાસણમાં રાગપૂર્વક હર્ષે પરિણામ પામ્યો છે. આવા પ્રકારનું અસાધારણ કારણ મળ્યું છે તેથી હું જાણું છું કે આવી કારણતા મારા કાર્યનું અવશ્ય કારણ બનશે જ. કારણકે અસાધારણ કારણ મળે છતે કાર્ય અવશ્ય થાય જ. આવા પ્રકારનો આગમને અનુસારે ઉપયોગ થયો.
તેથી મેં જાણ્યું છે કે જે આ પરમ પુરુષોત્તમ વીતરાગ પરમાત્મા છે. તેમને જોઈને મને આવા પ્રકારની ઇષ્ટતા બુદ્ધિ થઈ છે કે જેમ આ પરમાત્મા પૂર્વકાલમાં સંસારી જ હતા. પછી સાધનાના યોગે વીતરાગ બન્યા છે તેમ મારો આત્મા પણ કોઈક કાલે ગુણીયલ અને વીતરાગ થનાર છે. વીતરાગ બનશે જ.
મેં અનુમાનથી જાણ્યું છેકે જો કારણ મળે તો કાર્ય થાય. અર્થાત્ વીતરાગ પરમાત્માનો મને જે યોગ મળવા સ્વરૂપ કારણ પ્રાપ્ત થયું છે તેનાથી મારી ભવભ્રમણા ટળશે જ. આ મારા માટે ઘણા હર્ષનું કારણ છે.
