________________
શ્રી પાર્શ્વનાથ પરમાત્માનું સ્તવન
તથા વળી ભાવતાદાત્મ્યતા શક્તિ એટલે કે જે અનાદિકાળથી આ જીવમાં વિભાવપરિણતિ પ્રવર્તે છે તેનાથી જ્ઞાનાવરણીય આદિ આઠે પ્રકારનાં કર્મોનું આ જીવ જે ગ્રહણ કરે છે તે સંયોગસંબંધ છે અને શુદ્ધ ક્ષાયિકભાવના સ્વવીર્ય આદિ જે ગુણો છે તેમાં જીવની જે પ્રવૃત્તિ છે. તે તાદાત્મ્યસંબંધ જાણવો. જે આત્માના પોતાના ગુણો હોય તે સ્વાભાવિક સ્વરૂપ હોવાથી આત્માનું તે તે ગુણ-પર્યાયોમાં પ્રવર્તવાપણું તે તાદામ્યસંબંધથી હોય છે અને કર્મ આદિ પરદ્રવ્ય સાથેનો જે સંબંધ છે તે વૈભાવિક સ્વરૂપ છે તે સંયોગસંબંધથી હોય છે.
તે પરદ્રવ્યનો (કાર્મણ વર્ગણાનો) સંબંધ છોડીને ક્ષાયિકભાવના વીર્ય આદિ ગુણોમાં આત્માનું જે વર્તવું તે ભાવ તાદાત્મ્યતા શક્તિ કહેવાય છે. તેમાં વર્તતાથી આ આત્મામાં જે ઉલ્લાસ એટલે કે આનંદ વધે છે તે સઘળો સ્વસ્વરૂપનો આનંદ છે. આ સ્વસ્વરૂપના આનંદના બળે અનાદિકાળની સંતતિથી જે કર્મનો તથા કર્મબંધના કારણભૂત મન-વચન-કાયાના યોગનો જે સંબંધ છે. તેનો તું ઉચ્છેદ કરે છે. અને આત્મતત્ત્વની શુદ્ધિને પ્રાપ્ત કરે છે.
૧૫૯
આ પ્રમાણે જ્ઞાન દર્શન ચારિત્ર અને આત્મવીર્ય ઇત્યાદિ ગુણોના બળથી અનાદિકાળથી જોડાયેલાં કર્મોના સંબંધને હે પરમાત્મા ! તમે વિનાશ કર્યો. આવું અદ્ભૂત કાર્ય તમે કર્યું છે. અને સર્વથા નિરાવરણ થયા છો. આત્માની શુદ્ધદશા પ્રાપ્ત કરી છે. ॥ ૨ ॥
દોષ ગુણ વસ્તુનો લખીય યથાર્થતા,
લહી ઉદાસીનતા અપરભાવે ॥
ધ્વસિ તજ્જન્યતા ભાવકર્તાપણું, પરમ પ્રભુ તું રમ્યો નિજ સ્વભાવે | ૩ ||
