________________
ત્રેવીસમા શ્રી પાર્શ્વનાથ પરમાત્માનું સ્તવન )
સહગુણ આગરો, સવામી સુખ સાગરો, જ્ઞાન વયરાગર પ્રભુ સવાયો | શુદ્ધતા એકતા તીક્ષ્ણતા ભાવથી,
મોહ રિપુ જિતી જય પડહ વાયો II 1 II ગાથાર્થ - શ્રી પાર્શ્વનાથ પરમાત્મા સ્વાભાવિક ગુણોના ભંડાર છે સ્વાધીન અને અતીન્દ્રિય સુખના સાગરસમાન છે. જ્ઞાનરૂપી વજની (હીરાની) ખાણ સમાન છે. તથા શુદ્ધતા અને સ્વરૂપની સાથે એકતા પ્રાપ્ત કરીને તીક્ષ્ણતા ગુણ વડે મોહરૂપી શત્રુને જિતીને આ જગતમાં આ પરમાત્માએ પોતાના વિજયનો પડહ વગાડી દીધો છે. આવા
વિવેચન :- હવે શ્રી પાર્શ્વનાથ પરમાત્માની ગ્રંથકારશ્રી ઉમદાભાવથી સ્તુતિ કરે છે - શ્રી પાર્શ્વનાથ પરમાત્મા કેવા ગુણોવાળા છે? તે સમજાવતાં સ્તુતિકાર કહે છે કે સ્વાભાવિક (અકૃત્રિમ એટલે કે કૃત્રિમ રીતે આવેલા નહીં) એવા અર્થાત્ વસ્તુના મૂલધર્મસ્વરૂપ જ્ઞાન દર્શન ચારિત્ર તથા આનંદાદિ સ્વરૂપ આત્માના જે જે ગુણો છે. તેના ઘર સરખા અર્થાત્ આવા સ્વાભાવિક ગુણોના ભંડાર એવા આ પરમાત્મા છે.
તથા સ્વામી એવા આ પરમાત્મા સુખના સાગર છે એટલે કે અતીન્દ્રિય, સ્વાધીન, નિરામય, નિઃપ્રયાસ અને અવિનાશી એવા આત્મિક ગુણોના સુખના સાગર છે. અનંત અનંત સુખના ભંડાર છે.
તથા કેવલજ્ઞાન અને કેવલદર્શન ઈત્યાદિ શુદ્ધ ગુણોરૂપી વજની (હીરાની) ખાણ તુલ્ય આ પરમાત્મા છે. સર્વકાળે અને સર્વક્ષેત્રે
