________________
૧૪૬
શ્રી દેવચંદ્રજી કૃત ચોવીશી ભાગ ૨ આમ કરવાથી આત્માની જે ગુણો સંબંધી અનંત શક્તિ સત્તાગત હતી તે સઘળી શક્તિ પ્રગટ થઈ અને પોતાનો શુદ્ધ ક્ષાયિકભાવની જે અનંતજ્ઞાનાદિ ગુણમય શુદ્ધ અને નિર્મળ સ્વભાવદશા હતી તેનું આસ્વાદન કર્યું. પોતાનું અનંત અનંત ગુણમય સ્વરૂપ પ્રાપ્ત કર્યું.
જાદવકુલમાં તિલકસમાન, મહા ઉપકારી એવા શ્રી નેમિનાથ જિનેશ્વર પરમાત્માએ ગુણો પ્રગટ કરવાનું પોતાનું કાર્ય બરાબર કર્યું.
ક્યાંય અલ્પમાત્રાએ પણ પોતાના આત્માને આવરણોથી ઢંકાવા દીધો નહીં. સર્વથા નિરાવરણ કર્યો.
અંતરમાં પરિણામની ધારામાં અને બહારથી સંયોગસંબંધથી પણ જે વિભાવસ્વભાવ હતો. તે સર્વથા ત્યજી દીધો. અસંખ્યાત પ્રદેશો વાળા આ આત્મામાં, પ્રદેશ પ્રદેશે જે ગુણો હતા અને કર્મોથી આવૃત હતા. તે સર્વે પણ ગુણો કર્મોનાં આવરણોને તોડીને પ્રગટ કર્યા.
જેવા કે અનંતજ્ઞાન, અનંતદર્શન, અનંત ચારિત્ર, અનંત સુખ, અનંત અવ્યાબાધસ્વરૂપ, અનંત અગુરુલઘુ સ્વરૂપ, અનંતદાન, અનંત લાભ, અનંત ભોગ, અનંત ઉપભોગ, અનંત વિર્ય, અવર્ણપણું, અગંધપણું, અરસપણું, અસ્પર્શપણું, પરમ અસંગતા અયોગિવ ઈત્યાદિ ગુણ મય પોતાનું પ્રભુત્વ, વિભુત્વ, કારણત્વ, કાર્યત્વ, વ્યાપકત્વ, અસ્તિત્વ, નાસ્તિત્વ, નિત્યત્વ-અનિત્યત્વ, ભેદ– અભેદત્વ કારત્વ પરિણામિત્વ, સત્ત્વ, પ્રમેયત્વ, દ્રવ્યત્વ, ઈશ્વરત્વ, સિદ્ધત્વ, અખંડિત્વ, અલિપ્તત્વ ઈત્યાદિ સામાન્યથી અનંતગુણાત્મક સર્વ આત્મશક્તિ પ્રગટ
કરી.
તેના કારણે નિરાવરણ એવું આત્માનું જે શુદ્ધ સ્વરૂપ છે. તે પ્રગટ કરીને તેનું આસ્વાદન પ્રાપ્ત કર્યું. સ્વસ્વરૂપનું ભોસ્તૃત્વ પૂર્ણપણે પ્રગટ કર્યું હે પરમાત્મા ! તમે પૂર્ણ સ્વરૂપભોગી થયા. અલ્પાંશે પણ
