________________
શ્રી દેવચંદ્રજી કૃત ચોવીશી ભાગ : ૨
ગાથાર્થ :- ૫રમાત્માનાં દર્શન થવા રૂપી મહામેધનો જો મારા ક્ષેત્રમાં પ્રવેશ થાય. તો પરમાનંદ રૂપી ધાન્યનો મારા દેશમાં (અર્થાત્ મારામાં) સુકાળ થાય. દેવોમાં ચંદ્રમા સમાન એવા જિનેશ્વર પરમાત્માના ગુણોનો જો યર્થાર્થ અનુભવ કરવામાં આવે તો સાદિઅનંતકાલ સુધી આત્માના ક્ષાયિકભાવના યથાર્થ સુખગુણને અનુસરનારા થાઓ. | ૭ ||
૧૪૪
વિવેચન :- ૫૨માત્મા શ્રી વીતરાગ એવા નમિનાથ પ્રભુનાં ભાવથી દર્શન થાય તો તે દર્શનથી તેમની પરમદયાલુતા, ગુણસમુદ્રતા, ત્રણે જગતના સર્વ જીવોના ભાવને જણાવવામાં સૂર્યસમાનતા, કર્મોના રોગો દૂર કરવામાં મહાવૈઘતુલ્યતા વિગેરે ગુણોવાળા આ પરમાત્મા છે. આવા પરમાત્માનું જે દર્શન થવું. એટલે તેમની મુખમુદ્રાને બરાબર દેખવી, અથવા તેમનું દર્શન થવું એટલે તેમનું શાસન પામવું. અથવા તેમનું સમ્યક્ત્વ પ્રાપ્ત કરવું તે રૂપી જે મહાવરસાદ, તે હોતે છતે તેવા વરસાદમાં પ્રવેશ કરે છતે આત્મિક ગુણોના આનંદ રૂપ સુભિક્ષ એટલે કે સુકાળ થયો. અસંખ્યાત આત્મપ્રદેશો રૂપી મારા આત્મક્ષેત્રમાં ગુણોનો અતિશય સુકાળ થયો છે. પરમાત્માના દર્શનથી ઘણા ગુણો પ્રગટ થયા છે.
તે માટે દેવોમાં ચંદ્રમા સમાન હે પ્રભુ, તથા જિનોમાં એટલે કે વીતરાગ આત્માઓમાં ચંદ્રમા તુલ્ય એવા હે નમિનાથ પ્રભુ ! આપનામાં જે અનંતગુણો છે તેમાં જ આ સાધક જીવોએ લયલીન થવા જેવું છે. આ પરમાત્માનું જ ધ્યાન કરો. તેમના બહુમાનમાં જ
લયલીન થાઓ. તો સાદિ-અનંત એટલે જેની આદિ છે. પણ અંત નથી. એવા અવિનાશી આત્મસુખને પામશો.
એટલે હે ભવ્ય જીવો ! શ્રી નિર્મળ આનંદનો અનુભવ કરનારા સંપૂર્ણ સ્વરૂપભોગી, એવા જે નમિનાથ જિનેશ્વર ૫૨માત્મા છે.
