________________
શ્રી નમિનાથ પરમાત્માનું સ્તવન
૧૩૭ ભક્તિ કરવા પરમાત્માના નિર્મળ ગુણો ગાવા. ગુણોનું બહુમાન કરવું તેની ભાવના ભાવવી એ રૂપી વાયુ અનુકૂળ વાય છે.
વરસાદના ટાઈમે ત્રણ રેખાઓ સાથે સુંદર ઇન્દ્રધનુષ્ય થાય છે જે બહુ જ શોભાકારી હોય છે. તેવી જ રીતે પરમાત્માની ભક્તિ કરવામાં મન વચન અને કાયાના એમ ત્રણે યોગો એકાકાર થયા. તન્મય થયા. જેથી આકાશની શોભાની જેમ ભક્તિની શોભા ઘણી વધી છે.
જ્યારે વરસાદનો સમય થાય અને વિશિષ્ટ મેઘઘટા પથરાણી હોય ત્યારે પ્રાયઃ જોરશોરથી મેઘગર્જના (વાદળોનું ગાજવાપણું) થાય છે તેમ પરમાત્માની કરાતી આ ભક્તિમાં હૈયાના ભાવપૂર્વક સુંદર સંગીત સાથે ગવાતાં સ્તવનો - ભક્તિગીતોનો જે અવાજ તે મેઘ ગર્જના સમજવી.
તથા મેઘથી - વરસાદ વરસવાથી પાણીની પિપાસા એટલે કે તૃષ્ણા ટળે છે. તૃષ્ણા દૂર થાય છે. તેમ વીતરાગ પરમાત્માની ભક્તિ કરવાથી વીતરાગતાના પરિણામ આવવાથી હૃદયમાં પૌદ્ગલિક સુખોની જે પિપાસા અર્થાત્ તૃષ્ણા હતી. તે અંતરંગ તૃષ્ણા દૂર થાય છે. પરમાત્મા પ્રાપ્ત થવાથી આત્માને આત્મિક ગુણોની પ્રાપ્તિ થવાથી પરપદાર્થો તરફના સુખોની પિપાસા રૂપી તૃષ્ણા જ દૂર થઈ જાય છે. ગ્રીખકાલનો જે મહાતાપ હતો તે મેઘઘટાથી જેમ દૂર થાય છે તેમ પરમાત્મા પ્રાપ્ત થવાથી પરપદાર્થોના સુખોની વાચ્છાઓ જ નાશ પામી જાય છે. આવી પરમાત્માની ભક્તિ છે. મેઘધરા તુલ્ય //રા શુભ લેસ્યાની આલિ, તે બગપંક્તિ બની રે,
તે બગપંક્તિ બની રે ! શ્રેણિ સરોવર હંસ, વસે શુચિ ગુણ મુનિ રે,
વસે શુચિ ગુણ મુનિ રે
