________________
શ્રી મલ્લિનાથ પરમાત્માનું સ્તવન
૧૦૭ સહજાનંદપણું જે છે તેને જ પ્રગટ કર. તેમાં જ વર્તવાનો પ્રયત્ન કર.
સ્વ-પરનો વિવેચન (ભેદ) કરનારો બનીને પોતાના ગુણોના સહજાનંદનો અનુભવ કરનારો થા, આ જ તારું કાર્ય છે. તે પોતાના ગુણોના આનંદનો ભોક્તા બનવાનું ઉપાદાન કારણ છો. આ કાર્ય કરવા તું શક્તિમંત છો. તું તાહરા સર્વ પ્રદેશોમાં તારી ગુણસંપદાને પ્રગટ કરીને તારા જ આત્મપ્રદેશોને તે ગુણસંપદા આપવાવાળું સંપ્રદાન કારક છે.
તે માટે હે ચેતન ! અનાદિકાળથી પ્રાપ્ત થયેલા આ અશુદ્ધ પરિણમનનો તું ત્યાગ કર. અને તારી સત્તાનો આધાર પણ તું જ છો. માટે તું તારા જ તત્ત્વને સ્વીકારનાર થા. તાહરૂ તત્ત્વ તું જ પ્રગટ કરી શકીશ. તારૂં તત્ત્વ તારામાં જ છે.
આ પ્રમાણે પોતે જ પોતાના આત્માને સમજાવીને પોતાના આત્માના શુદ્ધસ્વરૂપને પ્રગટ કરવા માટે સાધકપણું આદરે તે આદરતાં કારકચક્ર દ્વારા પોતાના ભાવોને સ્મૃતિગોચર કરે. કારકચક્રને સંભાલવાથી અનુક્રમે આત્માનું સ્વીકાર્ય પ્રગટ થાય. ત્યાર પછી આ જ આત્મા સિદ્ધિપદને પ્રાપ્ત કરે તે માટે આ જ સાચો સાધનાનો માર્ગ છે. સાધન શુદ્ધ હોતે છતે સાધ્યની સિદ્ધિ અવશ્ય થાય જ છે. [૩] શુદ્ધપણે પચચ, પ્રવર્તન કાર્ય રે, પ્રવર્તન કાર્મ રે II કતદિક પરિણામ, તે આતમ ધમ રે, તે આતમ ધર્મમેં રા. ચેતન ચેતનભાવ, કરે સમવેતમેં રે, કરે સમવેતમેં રે II સાદિ અનંતો કાળ, રહે નિજ ખેતમેરે, રહે નિજ ખેત મેરે મા
ગાથાર્થ - કર્મરહિત સર્વથા શુદ્ધપણાના પર્યાયમાં જ સદાપ્રવર્તન કરવાપણાના કાર્યમાં જ પ્રવર્તવું તે પર્યાયનો આ આત્મા કર્તા છે એટલે કે આત્માના ક્ષાયિકભાવના શુદ્ધગુણોનો જ આ આત્મા કર્તા છે. ચેતન
