Tu Rangai Jane Rangma 07

SR No.: 032096
Original Sutra Author: N/A
Author: Purnanand Prakashan
Publisher: Purnanand Prakashan
Publication Year: 2017
Total Pages: 20
Language: Gujarati
Classification: Book_Gujarati
File Size: 8 MB

Page 19

££૩ 6/05 -416:43
(૧૯)
# સાધર્મિક ભક્તિ કે ગુરુભક્તિ
શાકંભરી નામની નગરી હતી. તેમાં ધનાશાહ નામના શ્રાવક રહે. તેમની આર્થિક પરિસ્થિતિ સારી નહીં. મહેનત બહુ કરે પણ પુણ્ય સાથ ન આપે. મહેનતથી જે મળ્યું તેમાં સંતોષ માનતો. દેવગુરુ ઉપર અતૂટ શ્રદ્ધા. થોડામાંથી પણ થોડી તેમની ભક્તિ કરવાના ભાવ હૈયામાં રમ્યા કરે. કલિકાલ-સર્વજ્ઞ પૂ. હેમચંદ્રસૂરીશ્વરજી મ.સા.ને પોતાને ઉપકારી ગુરુદેવ માને. ભક્તિ કરવા માટે તેમની પોતાની પત્ની પાસે ખાદી કંતાવીને એક વસ્ર તૈયાર કરાવ્યું અને અંતરના ઉમળકાપૂર્વક પોતાના ગુરુદેવને સમર્પિત કર્યું. આ જ અરસામાં પૂ. ગુરુદેવ શ્રી હેમચંદ્રસૂરિમ.નો પાટણમાં ભવ્ય નગરપ્રવેશ હતો. ભક્તિના ભાવથી ભીંજાયેલું અને હાથથી કાંતેલુ-વણેલું આ વસ નગરપ્રવેશ સમયે પૂજ્ય આચાર્યદેવે ઉપયોગમાં લીધું.
31,041,
ગુર્જરેશ્વર કુમારપાળે પૂ. ગુરુદેવના દેહ ઉપર આવું જાડું વસ્ત્ર જોઈ આશ્ચર્યચકિત થઈ ગયા. પૂ. ગુરુદેવશ્રીને વિનંતી કરી...ગુરુદેવ ! મુલાયમ પાતળું અને અત્યંત કીંમતી વસ્ત્રની વ્યવસ્થા કરું છું... આપશ્રી આ જાડું-તુચ્છ વસ્ત્ર બદલી દો. ગુરુદેવે કહ્યું – કુમારપાળ, ભલે તું ગુર્જરેશ્વર હોય પણ આવું કિમતી-મૂલ્યવાન વસ્ત્ર તું ન લાવી શકે. ભક્તિ ભાવનાની કિંમત સૌથી ચઢિયાતી છે. હે ગુર્જરેશ્વર કુમારપાળ ! તારા દેશમાં એવાય નિર્ધનો વસતા હશે ત્યારે જ મને આવું વસ્ત્ર મળ્યું હશે ને ? મને આ વસ્ત્રથી કંઈ તકલીફ નથી. અમારે તો દેહને ઢાંકવા માટે વસ્ત્રનો ઉપયોગ છે. પરતું તારે શ૨માવવા જેવું છે કે તારા રાજ્યની જનતાના સુખ દુઃખની કાંઈ જ ચિંતા તું કરતો નથી અને તેમાંય સાધર્મિકની ચિંતા તો તારા ધ્યાનમાં જ લાગતી નથી. આ વસ્ત્ર એ તો સાધર્મિકની સ્થિતિનું પ્રતિબિંબ છે.’’
ગુરુદેવના આ શબ્દો સાંભળીને ગુર્જરેશ્વર કુમારપાળનું મુખ શરમથી નમી ગયું. અને તે જ વખતે સકળ સંઘની હાજરીમાં પ્રતિજ્ઞા કરી કે દર વર્ષે એક ક્રોડ સોનામહોરો સાધર્મિક ભક્તિમાં વાપરવી. અને પોતે ભૂલી ન જાય માટે તે જ ટાઇમે આ કાર્ય સંઘના આગેવાન આભડ શેઠને સોંપવામાં આવ્યું. નગરપ્રવેશનો પ્રસંગ પૂરો થતાં કુમારપાળે આભડ શેઠને બોલાવીને કહ્યું કે ‘‘આભડ શેઠ ! સાધર્મિકોમાં વાપરવાની એક કરોડ સોનામહોર મારા ભંડારમાંથી લઈ લો અને આજથી જ શુભકાર્યની શરૂઆત કરો. આભડ શેઠે કહ્યું- કૃપાળુ, સાધર્મિક ભક્તિમાં આ વર્ષનો લાભ મને જ લેવા દો. આવો અવસર મને ક્યારે મળશે !
ત્યારે ગુર્જરેશ્વર કુમારપાળ બોલ્યા ‘‘શેઠ ! હવે આવું કદી બોલશો નહીં, નહિ તો ગુર્જરેશ્વરમાં કૃપણતા આવી જશે અને મારી પ્રતિજ્ઞાનો ભંગ થશે. કુમારપાળે ભંડારી પાસે રાજભંડારમાંથી ક્રોડ સોનામહોર મંગાવી આભડ શેઠને આપી. આવી હતી ગુર્જરેશ્વરમાં ગુરુભક્તિ...
૨.
બાળકો ઃ ૧. કુમારપાળ ૧૮ દેશના મહારાજા હોવા છતાં ગુરુદેવ જાહેરમાં ઠપકો આપતાં ખચકાતા નહીં.
તમને કોઈ ઠપકો આપી શકે ?
૩.
કુમારપાળ મહારાજાને પણ ભૂલ સ્વીકારવામાં સંકોચ નહીં તમો પણ તુરત ભૂલનો સ્વીકાર કરશો.
સાધર્મિક ભક્તિને શાસ્ત્રોમાં સર્વશ્રેષ્ઠ ધર્મ કહ્યો છે. ફૂલ નહીં તો ફૂલની પાંખડી પણ સાધર્મિક ભક્તિમાં વાપરશો.