Tu Rangai Jane Rangma 05

SR No.: 032094
Original Sutra Author: N/A
Author: Purnanand Prakashan
Publisher: Purnanand Prakashan
Publication Year: 2017
Total Pages: 20
Language: Gujarati
Classification: Book_Gujarati
File Size: 8 MB

Page 17

(૧૪)
పలుకు తేనియలు ముమైలులు
రావడానపుడాపురముండా డాను
અનુપમાની - ગુરભક્તિ વસ્તુપાલ અને તેજપાલ જિનશાસનના જબ્બર પ્રભાવક શ્રાવકો હતા.... આબુના જિનાલયોથી જગપ્રસિદ્ધ બની ગયા હતા. તેમની કીર્તિને દસે દિશામાં ફેલાવવામાં તેમની ધર્મપત્નીનો પણ ઘણો ફાળો છે. વસ્તુપાલનાં પત્ની લલિતાદેવી અને તેજપાલની પત્ની અનુપમાદેવી હતાં. બન્ને દેરાણી - જેઠાણી હોવા છતાં સગી બહેનોની જેમ રહતાં. કોઈનામાં ઈર્ષા નહીં, અભિમાન નહીં, માયા-કપટ નહીં.... દેવો પણ તેમની પ્રશંસા કરતા, તેવો તેમનો પ્રેમભાવ.
લલિતાદેવી અને અનુપમાદેવી બન્નેને ધર્મકાર્ય ગમે. તેમાં પણ અનુપમાં બહુ જ હોશિયાર. ધર્મકાર્ય કરવા નવી નવી બુદ્ધિ ચલાવે. કયારેક તો વસ્તુપાલ – તેજપાલ પણ અનુપમા દેવીને પૂછીને કામ કરે... જમીન ખોદતાં ધન નીકળ્યું તો.... પ્રશ્ન થયો, ક્યાં મૂકવું...? અનુપમાદેવીએ ચાતુરીભર્યો જવાબ આપ્યો... “બધા દેખે પણ કોઈ લઈ ન શકે ત્યાં મૂકો.” આવી ગૂઢ વાણીનું રહસ્ય ખોલી દેલવાડાનાં દેરાસર બંધાવ્યાં...
અનુપમાદેવીને દેવ-ગુરુ ઉપર અતૂટ શ્રદ્ધા હતી. દેવગુરુની ભક્તિ સેવા કરવા હરઘડી તૈયાર રહેતાં. તેઓ માનતાં હતાં કે “ભગવાનની આજ્ઞા પ્રમાણે હું દીક્ષા લઈ નથી શકતી પણ જે દીક્ષા લઈ સંયમ પાળે છે તેમની વૈયાવચ્ચ ભક્તિ કરું તો મને આવતા ભવે નાની ઉંમરમાં જ દીક્ષા મળી જાય” આથી તેમને સાધુ – સાધ્વીજી મ.ને આહાર-પાણી-ગોચરી વહોરાવવામાં ખૂબ જ આનંદ આવતો. તેઓ રોજ ૫૦૦ સાધુ મ.ને ગોચરી વહોરાવતાં... સાધુ-સાધ્વીજી મ.ને વહોરાવવું તે સુપાત્ર દાન કહેવાય. બહુ મોટો એનો લાભ...
ગોચરી વહોરાવતાં કદાચ પાતરાં બગડે તો પોતાની કિંમતી સાડી કરતાં પાતરાને પવિત્ર માનતાં અને અત્યંત અહોભાવ પૂર્વક લાખો રૂપિયાની સાડીથી પાતરાં લૂછતાં.
પોતાના ત્યાં સાધુ-સાધ્વી મ.નો આટલો બધો લાભ મળે તો ? સુંદર ઉપાય તેમણે શોધી કાઢ્યો... પોતાના નગરમાં અનેક સાધર્મિકોની ભક્તિ કરે તેમના ઘરના રસોડાનો બધો જ ખર્ચો આપી... સાધુ-સાધ્વીજીની ભક્તિ કરવાનું કહે... અનુપમાન દેવીની કેવી સુંદર ભાવના ! વહોરાવતાં વહોરાવતાં આનંદવિભોર બની સુંદર મજાની ભાવના ભાવતાં...
હે પ્રભુ! માનવ જીવનમાં દીક્ષા જ લેવા જેવી છે. છતાં હું લઈ શકતી નથી. ગૃહસ્થના વિરાધનામય જીવનમાં પડી છું. આ ભક્તિના પ્રભાવે મને જલદી સંયમ જીવન મળે...”
પોતાના જીવનમાં ઘણાં ઘણાં કાર્યો એમને કરાવ્યાં, પરમાત્માની ભક્તિ, છ'રીપાલક સંઘ, જિનાલય બંધાવ્યાં, શિલ્પીઓની સેવા, સાધુ-સાધ્વીની ભક્તિ, સાધર્મિક, અનુકંપાદાન, જીવદયા બીજા પણ ધર્મનાં કાર્યો... ઘણાં કર્યા. તેમના ધર્મકાર્યનું લિસ્ટ જોઈએ તો અધધધ બોલાઈ જવાય...
દેવગુરુની ભક્તિમાં તરબોળ બનેલાં અનુપમાદેવી આયુષ્ય પૂરું કરી ક્યાં ગયાં ખબર છે? તેઓ મહાવિદેહક્ષેત્રમાં મનુષ્ય થયાં... અને ૮ વર્ષની નાની ઉંમરમાં સીમંધરસ્વામી ભગવંત પાસે દીક્ષા લીધી (તમો કેટલા વર્ષે દીક્ષા લેશો?) સંયમની આરાધના કરી અને ૯મા વર્ષે તો તેમને કેવલજ્ઞાન થયું... અત્યારે કેવલી સ્વરૂપે વિચરે છે.
ઘણા જીવોને ઉપદેશ આપી તેમનું કલ્યાણ કરશે... અને છેવટે આયુષ્ય પૂર્ણ કરી મોક્ષમાં જશે... મોક્ષમાં કોઈ જ દુઃખ નહીં. કોઈ રોગ નહીં... કોઈ ચિંતા નહીં. કોઈ થાક નહીં. કોઈ ઇચ્છા નહીં... આવું સુખ મળી જાય તો કેવી મજા આવી જાય....?
આ છે ; દેવ-ગુરુ ભક્તિનો પ્રભાવ બાળકો: ૧. તમોને અચાનક ઘણું ધન મળી જાય તો શું કરશો? અનુપમાદેવીએ શું કર્યું?
૨. દેવ-ગુરુ પ્રત્યેની શ્રદ્ધા આપણું કલ્યાણ જ કરે. ૩. પ્રભુ કે - મંદિર જોઈ “નમો જિણાણ” બોલવું. સાધુ સાધ્વી ભગવંતનાં દર્શન થાય તો “મર્થીએણ વંદામિ
બોલવું. ૪. સાધુ-સાધ્વીજી મ.ને વહોરાવવાનો પ્રસંગ આવે તો અનુપમાદેવીની ભાવનાને યાદ કરી વહોરાવશો...
છે કvજીજી જીજી/gogo" for purpo
unproof
forg