Tu Rangai Jane Rangma 02

SR No.: 032091
Original Sutra Author: N/A
Author: Purnanand Prakashan
Publisher: Purnanand Prakashan
Publication Year: 2017
Total Pages: 20
Language: Gujarati
Classification: Book_Gujarati
File Size: 7 MB

Page 11

ప్రలు అంతా మండల ప్రజలు
ఎంత ప్రజలు తమ ప్రాంతాలు తెలుపడంపై
ચંદનબાળા ચંપાનગરીના મહારાજા દધિવાહન હતા. તેમની મહારાણી ધારણીને વસુમતિ નામે રાજપુત્રી હતી. તે અત્યંત ગુણવંતી, જ્ઞાનવંતી અને ધર્મનિષ્ઠાને પામેલી હતી. રાજવૈભવના સુખમાં ઊછળતી તે બાળા કર્મના પડદા પાછળ લખાયેલ દુઃખદ ઇતિહાસને જાણતી ન હતી. ‘કર્મ નચાવે તેમ સર્વ જીવોને નાચવું પડે છે. તે આ વાર્તાથી સ્પષ્ટ થાય છે.
એકવાર કૌશાંબીના રાજા શતાનિકે ચંપાનગરી ઉપર આક્રમણ કર્યું. ચંપાનગરીને લૂંટી તેમાં રાજકુમારી વસુમતીને પણ લઈ ગયા અને દાસી રૂપે વેચવા દાસી બજારમાં ઊભી રાખી. એક વેશ્યા તેને વેચાતી લઈ જવાની તૈયારીમાં હતી. તે જ સમયે ત્યાંથી ધનવાહ શેઠ પસાર થતા હતા, તેમની નજર રાજપુત્રી ઉપર પડી. અનુપમ સૌંદર્ય અને પ્રભાવશાળી લાલિત્ય પૂર્ણ મુખારવિંદ જોઈ આ કોઈ ખાનદાન ઘરની દીકરી લાગે છે તેમ વિચારી યોગ્ય મૂલ્ય આપીને વેશ્યાના હાથમાં જતી બચાવી લીધી.
છેને કર્મની લીલા ! એક રાજપુત્રીની લૂંટ થઈ. દાસી બજારમાં લીલામ થઈ, વેશ્યાને ઘરે જવાની સ્થિતિ આવી છતાં મુખ ઉપર ઓજસ ઝળહળતું હતું. ધનવાહ શેઠ આ વસમતીને પોતાની દીકરીની જેમ રાખતા. બાળા પણ ધનવાહને પિતા તરીકે માનતી હતી. શેઠ બહારથી આવે ત્યારે ચંદના વિનયપૂર્વક તેમના પગ ધોતી હતી. આ નિત્ય ક્રિયા બની . ગયેલી. આ બાળામાં નિષ્ઠાપૂર્ણ સેવા અને સાહજિક વિનયનો ગુણ હતો. તેના પ્રભાવે સંપર્કમાં આવનાર દરેકને ચંદનની જેમ શાંતિ શીતળતાનો અનુભવ થતો હતો. તેથી શેઠે તેને લાડમાં “ચંદનબાળા” નામે બોલાવવા લાગ્યા.
જેનામાં નમ્રતા, વિનય, વિવેક વગેરે ગુણ હોય તે સહુને ગમે” એ જગતનો સિદ્ધાંત છે. ચંદના પણ પોતાના ગુણવૈભવના પ્રભાવે સર્વજનને પ્રિય બની.
એકવાર બહારથી આવેલ ધનવાહ શેઠના પગ ધોતા ધોતા ચંદનાના વાળ નીચે પડ્યા. ગંદા પાણીમાં પડતા વાળની લટને ધનવાહ શેઠે ઊંચી કરી. આ દશ્ય શેઠની પત્ની મૂલાએ જોયું અને હૃદયમાં ઈર્ષાની આગ ભભૂકી. શેઠ બહાર ગામ ગયા ત્યારે મૂલા શેઠાણીએ ચંદનાનું માથું મૂંડાવી નાખ્યું. પગમાં બેડીઓ નાખી અને ભોંયરામાં ધકેલી દીધી પછી તાળું મારી મૂલા બહારગામ ગઈ. ચંદના ત્રણ દિવસ ભૂખી અને તરસી રહી. બહારગામથી ધનવાહ શેઠ પાછા આવ્યા ત્યારે ચંદના ન દેખાઈ તેથી તપાસ કરી. છેવટે ખબર પડતાં શેઠ તુરત લુહારને બોલાવવા ગયા. જતાં જતાં ઢોર માટે અડદના બાકળા સૂપડામાં પડેલા જોયા. બીજુ કાંઈ હતું નહીં તેથી તે બાકળા ત્રણ દિવસની ભૂખી ચંદનાને ખાવા આપી ગયા.
કૌશામ્બી નગરીમાં પ્રભુ મહાવીર પધાર્યા હતા. પ્રભુનો અભિગ્રહ હતો. રાજકુમારી દાસી બનેલી હોય, તેના માથે મુંડન હોય, પગમાં બેડી હોય, અઠ્ઠમ તપ કર્યો હોય, મધ્યાહ્નના સમયે આખમાં આંસુ હોય અને એક પગ ઉમરાની અંદર અને એક પગ ઉમરાની બહાર હોય એવી સ્ત્રી સૂપડાના ખૂણામાંથી અડદના બાકળા વહોરાવે તો જ વહોરવું. પાંચ મહિના અને ૨૫ દિવસના ઉપવાસ પ્રભુને થયા હતા, પરંતુ પ્રભુનો અભિગ્રહ પૂર્ણ થતો નથી. આજે પ્રભુ અહીં પધારે છે. પોતાના સર્વ અભિગ્રહ પૂર્ણ થયેલા જાણી પ્રભુએ ચંદના પાસેથી ભિક્ષા ગ્રહણ કરી. ચંદનાની ભિક્ષા પ્રભુએ સ્વીકારી કે તુરત જ દેવી ચમત્કાર સર્જાયો. હાથ અને પગની બેડીઓ તૂટી જાય છે, ચંદનના માથે સુંદર વાળ થઈ જાય છે, આકાશમાંથી પુષ્પવૃષ્ટિ અને સુવર્ણવૃષ્ટિ થાય છે. સર્વને સત્ય અને પવિત્રતાનું ભાન થાય છે. રાજા શતાનિક અને મૂલા શેઠાણી પોતાનાં દુષ્કૃત્યો માટે ક્ષમા માંગે છે.
પ્રભુને કેવળજ્ઞાન થયા પછી ચંદનબાળાએ ભગવાન પાસે દીક્ષા લીધી અને વર્તમાન શાસનનાં પ્રથમ સાધ્વી બન્યાં શ્રમણી સંઘની પ્રવર્તની બન્યાં. સંયમધર્મની આરાધના કરીને અંતે કેવળજ્ઞાન પામી મોક્ષે ગયાં. બાળકો... (૧) ગમે તેટલાં ધન-સંપત્તિ વૈભવ હશે તે ક્યારે ચાલ્યાં જશે કાંઈ નક્કી નથી.
(૨) વ્યક્તિ પોતાના ગુણોથી પ્રિય બને છે. માટે વિનય, નમ્રતા, સરળતા જેવા ગુણો જીવનમાં લાવો. (૩) જીવનમાં ગમે તેવી આપત્તિ આવે, તો પણ મન પ્રસન્ન રાખવું. અંતે સત્યનો વિજય થાય છે.
a mogo memorpo my gogalwo me moon momen gogo re mome memorો જીe my