________________
आचार्यश्रीअभयदेवसूरिविरचितटीकासहिते समवायाङ्गसूत्रे
आलोयणा १ निरवलावे २, आवतीसु दढधम्मया ३ । अणिस्सितोवहाणे य ४, सिक्खा ५ निप्पडिकम्मया ६ ।।५३।! अण्णातता ७ अलोभे य ८, तितिक्खा ९ अज्जवे १० सुई ११ ।
सम्मद्दिट्ठी १२ समाही य १३, आयारे १४ विणओवए १५ ।।५४।। 5 धितीमती य १६ संवेगे १७, पणिही १८ सुविहि १९ संवरे २० ।
अत्तदोसोवसंहारे २१, सव्वकामविरत्तया २२ ।।५५|| पच्चक्खाणे २३-२४ विओसग्गे २५, अप्पमादे २६ लवालवे २७ । झाणसंवरजोगे य २८, उदए मारणंतिए २९ ॥५६||
संगाणं च परिणा य ३०, पायच्छित्तकरणे ति य ३१ । 10 आराहणा य मरणंते ३२, बत्तीसं. जोगसंगहा ।।५७।।
बत्तीसं देविंदा पण्णत्ता, तंजहा- चमरे, बलि, धरणे, भूयाणंदे जाव घोसे, महाघोसे, चंदे, सूरे, सक्के, ईसाणे, सणंकुमारे जाव पाणते, अच्चुते ।
कुंथुस्स णं अरहओ बत्तीसं जिणा बत्तीसं जिणसया होत्था ।
सोहम्मे कप्पे बत्तीसं विमाणावाससतसहस्सा पण्णत्ता । 15 रेवतिणक्खत्ते बत्तीसतितारे पण्णत्ते ।
बत्तीसतिविहे णट्टे पण्णत्ते । [२] इमीसे णं रयणप्पभाए पुढवीए अत्थेगतियाणं नेरइयाणं बत्तीसं पलिओवमाई ठिती पण्णत्ता ११
अहेसत्तमाए पुढवीए अत्थेगतियाणं नेरड्याणं बत्तीसं सागरोवमाई ठिती 20 पण्णत्ता २॥
असुरकुमाराणं देवाणं अत्थेगतियाणं बत्तीसं पलिओवमाई ठिती पण्णत्ता ३। सोहम्मीसाणेसु कप्पेसु अत्थेगतियाणं देवाणं बत्तीसं पलिओवमाई ठिती पण्णत्ता ४॥
जे देवा विजय-वेजयंत-जयंत-अपराजितविमाणेसु देवत्ताते उववण्णा
