________________ પ્રકરણ-૩ઃ પ્રશ્નોત્તરી 217 આગ્રહી બનવું એ સાધના છે અને ખોટા મતના આગ્રહી બનવું એ વિરાધનાનું અંગ છે. - માટે ખોટા મતના આગ્રહી ક્યારેય ન બનવું. સાચા મતના આગ્રહી જરૂરથી બનવું. સાચા મતનો આગ્રહ એ જ તત્ત્વાગ્રહ છે. સાચું જાણ્યા પછી સાચા-ખોટાના વિષયમાં મધ્યસ્થ રહેવું તે ગુણ નથી પણ અવગુણ છે.તે તત્ત્વાગ્રહ નથી પણ મતાગ્રહ છે. (5) શું વિરોધ એ સાધનાનો વિરોધાભાસ કે સત્યનો રક્ષક છે? ઘણા લોકો પૂ.આ.ભ.શ્રીહરિભદ્રસૂરિજી મહારાજાના નામે વિરોધને સાધનાનો વિરોધાભાસ બતાવી રહ્યા છે. પરંતુ એ અર્ધસત્ય છે. - સાચું તો એ છે કે.. જે વિરોધ સત્યનો રક્ષક બને, તે વિરોધ સમ્યગ્દર્શનની શુદ્ધિનું કારણ હોવાથી સાધનાનું અંગ છે અને જે વિરોધમાં સામેવાળા પ્રત્યેના તેજોદ્વેષથી એનો તેજોવધ કરવાની વૃત્તિ હોય, પોતાના અસત્યને-મતને જોરજોરથી પ્રચારીને સાચો કરવાનો ઈરાદો હોય અને અંગત રાગ-દ્વેષથી વિરોધ થતો હોય, ત્યારે એવો વિરોધ સાધનાનું અંગ નથી બનતો, પરંતુ વિરાધનાનું અંગ બને છે. ન (મહાનિશિથસૂત્રમાં જણાવ્યું છે કે,) શ્રીસાવઘાચાર્યે ચૈત્યવાસી સાધુઓનો વિરોધ કર્યો અને શાસ્ત્ર મુજબની પ્રરૂપણા કરી, તેના કારણે તેમને તીર્થકર નામકર્મના દળીયા ભેગા થયા હતા અને એક ભવ જેટલો સંસાર સીમિત થઈ ગયો હતો. - જ્યારે રોહને પછીથી પોતાના ગુરુ સાથે જે વાદ કર્યો અને એમાં મિથ્યાભિનિવેશને વશ બની વિતંડાવાદમાં ચઢીને ખોટો વિરોધ કર્યો, ત્યારે તેઓ વિરાધક બન્યા છે. - આથી ખોટો વિરોધ વિરાધનાનું અંગ છે અને સાચો વિરોધ આરાધનાનું અંગ છે. અપપ્રચાર કરનારાઓને અહીં પ્રશ્ન છે કે..
