________________ 17 ઉન્માર્ગનું ખંડન કર્યું જ છે. વળી જે લોકો એમ કહે છે કે, અસત્યનોઅપસિદ્ધાંતનો વિરોધ કરવામાં શક્તિઓ વેડફાય છે, તે લોકો પોતાની કરણી-કથનીથી સત્ય માટે ભારી સંઘર્ષો કરનારા પૂર્વમહાપુરુષોને ખોટા ઠેરવે છે. આ એમની શાહમૃગવૃત્તિ છે. અમે આજે જે વિષયને લઈને ઉપસ્થિત થયા છીએ તેમાં શ્રીસંઘજનો એને વિરોધરૂપે ન સમજે, પરંતુ સ્વસ્થ શાસ્ત્રીય ચર્ચા સમજીને, આમાં લખાયેલી વાતો ઉપર મધ્યસ્થ બનીને, પર્યાપ્ત વિચારણા કરશે, તો જરૂરથી તત્ત્વ પ્રાપ્ત થશે, એવી શ્રદ્ધા છે. અમને વિવાદ કરવામાં રસ નથી, કોઈને ખુલ્લા પાડીને માનહાનિ કરવાની અમારી મલિન વૃત્તિ નથી અને કોઈને ખરાબ-ખોટા કહેવાનું અમારા સંસ્કારમાં નથી. માત્ર શાસ્ત્રીય સત્ય જણાવવાની અમારી ફરજના એક ભાગ રૂપે આ પ્રયાસ છે. તેને તે સ્વરૂપે સૌ સ્વીકારશે એવી શુભાભિલાષા. શાસ્ત્રકાર મહર્ષિઓના ટંકશાળી વચનોને આધારે શાસ્ત્ર અને સુવિહિત પરંપરાથી વિશુદ્ધ બનેલા માર્ગને ઓળખી-આરાધી સૌ આરાધકો શીઘ્રગતિએ મોક્ષસુખને પામે એજ એક શુભાભિલાષા. ભા.સુ. 5, વિ.સં. 2074. તા. ૧૪-૯-ર૦૧૮, - શુક્રવાર. લિ. મુ. સંયમકીર્તિ વિ. શ્રા શ્રી રમણલાલ છગનલાલ આરાધના ભવન, નવસારી
