________________
યુગપ્રધાન મહાપુરૂષના આર્યક્ષેત્રને નક્કર ભૂમિકા મળે એવી રીતે પ્રભુશાસનના સુતત્ત્વોને વારસો ટકાવી તેને આગળ વધારવાના કર્તવ્યમાંથી શાસન રાગી કોઈપણ વ્યક્તિ છટકી શકે તેમ નથી.
સુતત્વોનો વારસો ટકાવી અને એ રીતે યુગપુરુષો માટે ભૂમિકા ઉભી કરવાનો ઝાંખો ઝાંખો એક ઉપાય ધ્યાનમાં આવે છે. આજે નહીં તે આવતી કાલે એ જ ઉપાય લેવો પડે તેમ છે. એ ઉપાય લેવામાં જેટલું મોડું કરાશે તેટલું વધારે નુકશાન થશે, શાસનનું લોહી ચુસનારા માંકડ શાસનમાં વધારે પ્રવેશ કરશે, ને વધારે જોર પકડશે.
યુગપ્રધાન પુરૂષો માત્ર જૈનોનું જ હિત કરશે એમ માનવા કારણ જણાતું નથી. તેઓ તે સર્વનું-સર્વ ધર્મોનું હિત કરનારા હોય છે. ત્યારે જ તેઓની સર્વ કલ્યાણ કારણ યુગપ્રધાનતા સફળ થઈ શકે.
ધમો મંગલ મુક્કિઠું -- ધર્મ એ મંગળરૂપ છે. પરંતુ જ્યાં સુધી શાસન સાપેક્ષપણું ધર્મમાં પ્રવેશતું નથી ત્યાં સુધી ધર્મ મંગળરૂપ બનનો
નથી.
ત્યારે આજે લગભગ છેલ્લા સો કે વધુ વર્ષોથી આપણે શાસન અને સંઘથી ઘણા દૂર ગયા છીએ, લોકશાસન અને જમાનાની આકર્ષક સગવડો આપણને તેનાથી દૂર ઘસડી ગયેલ છે.
જમાનાને પ્રકાશમાન માનીને તેનાથી અંજાઈ જઈ સંવિગ્ન મુનિ મહાત્માએ ઘણા ઘણા પુરૂષાર્થ ખેડયા છે. પરંતુ વચ્ચે બીજા બળો એટલા જોરમાં આવી ગયા છે કે આજે દિશા સૂઝતી નથી, કોકડું વધારે ગૂંચવાતું જાય છે.
અલબત્ પ્રામાણિક સંવિગ્ન પાક્ષિક મુનિ સમુદાયે પોતાનો પુરૂષાર્થ શાસન ખાતર જ ખેડ્યો છે તેમાં બે મત નથી. છતાં પરિણામ ઉલટું જ આવ્યું છે. માર્ગ ચુકવવામાં આવ્યો હોય ત્યાં બીજું પરિણામ શું
૭૦ ;
