________________
શ્રી પ્રભુદાસભાઈના આત્મામાં પરમાત્મભાવનું તત્ત્વ (અધ્યાત્મ) એટલું ઉંડુ ઉતર્યું હતું કે પાછલી જૈફ અવસ્થામાં, શરીરની બિસ્માર હાલતમાં પણ સંસ્કૃતિ અને શુદ્ધ ધર્મના વિચારો આવતા જ રાત્રે ગા વાગે ઉઠીને, ઝાઝું બેસી શકાય નહિ એટલે ઉભા ઉભા સવારે ૬ વાગ્યા સુધી આલેખન ચાલુ રાખતા. ધ્યાન એક જ હતું કે પરમાત્માની અને આત્માની સાંકળનું સાચું જ્ઞાન સંસ્કૃતિ દ્વારા જ મળે અને તે સંસ્કૃતિના રક્ષણાત્મક વિચારો પ્રજા સમક્ષ બહોળા પ્રમાણમાં મૂકવા જ જોઇએ. ટૂંકમાં, પૂજ્ય પ્રભુદાસભાઈ ધર્મીનેષ્ઠ, દ્રઢશ્રદ્ધાળુ, સૂક્ષ્મ વિચારક, દીર્ઘદ્રષ્ટા, તત્ત્વચિંતક, શાસનરાગી શુદ્ધ જૈન સગૃહસ્થ, આર્યસંસ્કૃતિના જ્ઞાતા, વિશ્વહિતવૃષ્ટા, ધાર્મિક મહાપંડિત પુરુષ હતા.
વિ.સં. ૨૦૩૧ ના આસો વદ ૧૩ (ધનતેરસ) ના દિવસે ૮૩ વરસની ઉંમરે મહાસંસ્કૃતિરક્ષાના ઉચ્ચ વિચારોમાં, સમાધિ પૂર્ણ અવસ્થામાં, વિતરાગ પરમાત્માના મહાશાસનની ઉચ્ચકક્ષાને વિશ્વકલ્યાણના એકમાત્ર સાધન તરીકે અવગાહી, પોતાના સાહિત્યનો બહોળો વારસો તેમની સાથે આ જ કાર્યમાં વીશ-વીશ વરસથી જોડાયેલા શ્રી અરવિંદભાઈ મણીલાલ પારેખને સોંપી, આ ધરતી ઉપરથી વિદાય લીધી. આજે તેમનું યશશ૨ી૨ વિદ્યમાન નથી પરંતુ તેમના વિચારોને આધારે છેલ્લા પાંત્રીસ વરસથી એકલે હાથે ઝઝૂમી રહેલા શ્રી અરવિંદભાઈ મણિલાલ પારેખ ખુમારીપૂર્વક શાસન અને સંસ્કૃતિ રક્ષાના કાર્યો બરોબર પ્રભુદાસભાઈની શૈલીમુજબ, અથાગ પરિશ્રમ ઉઠાવી કરી રહયા છે અને શાસનરક્ષાની પ્રભુદાસભાઈએ જલાવેલી જ્યોત ચાલુ રાખવા અનેક મુનિભગવંતો અને યુવાનોને તૈયા૨ કરી રહયા છે. પાંચસો વરસથી આ ધરતી ઉપર આવેલ આક્રમણને ખાળવાના રક્ષણાત્મક ઉપાયોનું વ્યવસ્થિત આયોજન, એ જ કદાચ પ્રભુદાસભાઈને તેમના શાસનલક્ષી વારસદારો તરફથી સાચી શ્રદ્ધાંજલિ બની રહેશે.
✩
✩
✩
✩
