Page Text
________________
उपदेशमालाविशेषवृत्तिः
॥ ९१ ॥
वितक्किय हिरन्नवुट्ठीसमो सहसा || ५ || कत्तो वि आगमो मझ पुन्नजोगेण जीवियव्वासा । संपन्ना तेण पुणो वृत्तासो कत्थ महसत्तू || ६ || जेण परिक्खेमि बलं तस्साऽहं भासियं तओ तीए । दिन्ना में विज्जा संकरित्ति तेणं पढियसिद्धा ||७|| भणियं चतुज्झ एसा सुमरियमेत्ता भवित्तु परिवारे । सहियाईणं कज्जं काही पडिणोयरक्खं च ॥ ८ ॥ साहिस्सइ य वइयरं मज्झ सया सुमरिया तए एसा । नामेण नंददुमंतो, विक्खाओ सो य भुवणंमि ॥ ९ ॥ पुन्नेहिं समहियाए, मह तेयमसहमाणओ संतो । विज्जासिद्धिनिमित्तं मं मोत्तुमिमंमि पासा ।। २१० ॥ भगिणीण जाणणकए विज्जं जाणावणि च पेसित्ता । वंसकुडंग ह संपयं सो पविट्ठो त्ति ।। ११ ।। मं परिणेही साहियविज्जो अज्जं च सिद्धिदिवसो से । सिट्टं कुमरेण तओ, जहा हओ सो मए अज्ज ॥ १२ ॥ हरिससियसरीरा सा भासइ सुट्ठ सुट्टु ते विहियं । जं तारिसाण दुन्नयपराण मरणं चिय पहाणं ॥ १३ ॥ गंधव्यविवाहेणं परिणीया तक्खणं पणयखाणी । तीए य समं स ठिओ जा कालं कंचि ता निसुओ ॥ १४ ॥ सवणाण रसायणसारसोदरो सुंदरो य उल्लसिरो । दिव्वविलयाण सद्दो, पुट्ठा सा तेण किमियंति ।। १५ ।। एआओ ताओ तुह अज्जउत्त ! सत्तुस्स नदुमंतस्स | भगिणीउ खंडविसाहनाभिगाओ सुरूवाओ || १६ || तस्स विवाहनिमित्तं घेत्तुं उबगरणमागया था थेवमवकमेह लहु एय ठाणाओ ॥ १७ ॥ जाणामि भावमेयासिमत्थि नत्थि तुमंमि अणुराओ । जइ होही ता रत्तं, पडागमुवरि पचलिस्सं || १८ || अन्नह परिपंडुरमेवमेस तीए विइन्नसंकेओ । थेवाए वेलाए धवलपडागं परिचलति ॥ १९ ॥ दट्टुणमवकंतो तओ पएसाओ गिरिनिगुंजंमि । पत्तो दिट्ठे च तहिं सरोवरं गयणसुविसालं ।। २२० || पहाओ तत्थ जहिच्छाए च्छिन्नपहलग्गसव्वसंतावो । अग्घाइय वियसियकमलसंड असुरहिगंधभरो ॥ २१ ॥ तीरुत्तिन्नेण पलोइया य सरपचच्छिमुत्तरे भागे । नवतारुन्ना उन्नयपओहरा कन्नगा एगा ।। २२ ।। तक्कालाsरोविय चावदंडमुक्केहिं वम्महसरेहिं । सल्लिज्जंतसरीरो जाव पलोएइ तं ताव ।। २३ ।। धवलेहिं सिगेहसमुज्जलेहिं नयणेहिं तं पलोयंती । चलिया तओ पएसा कुमरेणमिमं भणिज्जंती ॥ २४ ॥ " अलसवलितैः प्रेमार्द्राद्रिर्मुहुर्मुकुलीकृतैः । क्षणमभिमुखैर्लज्जालोले र्निमेषपराङ्मुखैः || २५ || हृदयनिहितभावाऽऽकूतं वमद्भिरिवेक्षणैः ।
ब्रह्मदत्तचक्रिसन्धिः
॥ ९१ ॥
| SR No. | 023515 |
| Book Title | Updeshmala |
| Original Sutra Author | N/A |
| Author | Unknown |
| Publisher | Unknown |
| Publication Year | |
| Total Pages | 574 |
| Language | Sanskrit, Hindi |
| Classification | Book_Devnagari |
| File Size | 15 MB |